തിരുവനന്തപുരം: സിനിമാ നിർമ്മാതാവ് ജി.സുരേഷ് കുമാറിനെ ബിജെപി സംസ്ഥാന കമ്മിറ്റിയിലേക്ക് നാമനിർദേശം ചെയ്തു. പാലക്കാട് നഗരസഭാ അധ്യക്ഷയായിരുന്ന അഡ്വ.പ്രിയ അജയനേയും സംസ്ഥാന സമിതിയിലേക്ക് നാമനിർദേശം ചെയ്തിട്ടുണ്ട്. തിരുവനന്തപുരം ജില്ലയിൽ നിന്നുള്ള നോമിനിയായിട്ടാണ് സുരേഷ് കുമാറിനെ നാമനിർദേശം ചെയ്തിട്ടുള്ളത്.
ബിജെപി സംസ്ഥാന അധ്യക്ഷൻ കെ.സുരേന്ദ്രനാണ് പുതിയ അംഗങ്ങളെ സംസ്ഥാന സമിതിയിലേക്ക് നാമനിർദേശം ചെയ്തത്. സിനിമാ സംവിധായകനും നടനുമായ മേജർ രവിയേയും നടൻ ദേവനേയും ബിജെപി സംസ്ഥാന ഉപാധ്യക്ഷൻമാരായി കഴിഞ്ഞ ദിവസം തെരഞ്ഞെടുത്തിരുന്നു.
