അബുദാബി: അബുദാബി കൾച്ചറൽ ആൻഡ് ടൂറിസം അതോറിറ്റി ആരംഭിച്ച പുതിയ പദ്ധതി പ്രകാരം അബുദാബിയിൽ അവധിക്കാലം ചിലവിടുന്ന ഇന്ത്യൻ വിനോദസഞ്ചാരികൾക്ക് സൗജന്യ യുഎഇ ടൂറിസം വിസ ലഭിക്കും.
സാംസ്കാരിക, ടൂറിസം വകുപ്പ് – അബുദാബിയുടെ (ഡിസിടി അബുദാബി) യാത്രാ പങ്കാളികളിലൂടെയും ഓൺലൈൻ ട്രാവൽ ഏജൻസികളിലൂടെയും അബുദാബിയിൽ അവധിക്കാലം ബുക്ക് ചെയ്യുന്ന യോഗ്യരായ ഇന്ത്യൻ പാസ്പോർട്ട് ഉടമകൾക്ക് ഓഫർ ലഭ്യമാകും.
2026 ഓഗസ്റ്റ് 1 മുതൽ ഒക്ടോബർ 31 വരെ നീണ്ടുനിൽക്കുന്ന ഈ പദ്ധതിയിൽ യോഗ്യത നേടാൻ അബുദാബിയിലെ ഹോട്ടലിൽ കുറഞ്ഞത് മൂന്ന് രാത്രി താമസവും ഇന്ത്യയിലേക്കുള്ള റിട്ടേൺ ടിക്കറ്റും അനിവാര്യമാണ്. പരീക്ഷണ കാലയളവിൽ തുടക്കത്തിൽ 20,000 വിസകൾ വരെ ഈ പദ്ധതി വഴി അനുവദിക്കും.
യോഗ്യതയുള്ള ബുക്കിംഗുകൾക്കുള്ള യുഎഇ പ്രവേശന വിസയുടെ മുഴുവൻ ചെലവും ഡിസിടി അബുദാബി വഹിക്കും, ഇത് എമിറേറ്റ് സന്ദർശിക്കുന്ന ഇന്ത്യൻ സഞ്ചാരികളുടെ മുൻകൂർ ചെലവ് കുറയ്ക്കാൻ സഹായിക്കും. അർഹതയുള്ള ടൂറിസ്റ്റുകൾ വിസ ചിലവ് എടുക്കുന്ന ഏജൻസികൾക്ക് റീഫണ്ടിനും അർഹതയുണ്ടാവുമെന്ന് അധികൃതർ വ്യക്തമാക്കി.
