പ്രണയത്തിന് അതിരുകളില്ല. ജാതിയോ മതമോ പ്രായമോ ഒന്നും നോക്കാതെ പരസ്പരം വിവാഹം കഴിക്കുന്നവര് നിരവധിയാണ്. അതുപോലെ തന്നെ പ്രായവും പ്രണയത്തിന്റെ പരിധിയല്ലെന്ന് തെളിയിച്ചിരിക്കുകയാണ് പാകിസ്താനിലെ 70കാരനും 19കാരിയും. ഇരുവരും വിവാഹിതരായെന്ന വാർത്തയാണ് ഇപ്പോൾ സമൂഹമാധ്യമങ്ങളില് വൈറലാകുന്നത്.
പാകിസ്താനിലെ ലാഹോറിലാണ് ഈ മനോഹര പ്രണയ കഥ പിറക്കുന്നത്. പ്രഭാത നടത്തത്തിനിടെയാണ് 19കാരിയായ ഷുമൈലയും 70കാരനായ ലിയാഖത്ത് അലിയും ആദ്യമായി കണ്ടുമുട്ടുന്നത്. എന്നും രാവിലെ നടക്കാനിറങ്ങുന്ന വഴിയിൽ ഇവര് രണ്ടുപേരും കാണുമെങ്കിലും പ്രണയം മൊട്ടിട്ടത് പക്ഷെ, പാട്ടിന്റെ വഴിയേ ആണ്. ഒരു ദിവസം രാവിലെ നടക്കാനിറങ്ങിയ സമയത്ത് ഷുമൈലയുടെ പിറകിലായി വന്ന ലിയാഖത്ത് ഒരു മൂളിപ്പാട്ട് പാടി. കേള്ക്കുന്നവര്ക്ക് അതിശയം തോന്നുമെങ്കിലും ലിയാഖത്തും ഷുമൈലയും മനസുകൊണ്ട് ഒന്നിക്കാന് ആ മൂളിപ്പാട്ട് ധാരാളമായിരുന്നു.
പ്രണയത്തില് പ്രായം കാണുന്നില്ല. അത് സംഭവിച്ചുപോകുന്നതാണെന്നാണ് ഷുമൈല ലോകത്തോട് പറയുന്നത്. പ്രണയം വീട്ടിലറിഞ്ഞപ്പോൾ ആദ്യം കടുത്ത എതിര്പ്പുണ്ടായിരുന്നെങ്കിലും തങ്ങളുടെ സ്നേഹം വീട്ടുകാരെ പറഞ്ഞ് ബോധ്യപ്പെടുത്തുകയായിരുന്നെന്നും ഷുമൈല പറഞ്ഞു.
അതേസമയം വലിയ പ്രായവ്യത്യാസങ്ങളോടെ വിവാഹം കഴിക്കുന്നവരെ കുറിച്ച് ഒരിക്കലും ആരും അഭിപ്രായം പറയാന് നില്ക്കരുത്. അവരുടെ തീരുമാനത്തെ ബഹുമാനിക്കണം. ഇത് അവരുടെ ജീവിതമാണ്. അവര്ക്ക് ഇഷ്ടമുള്ള രീതിയില് ജീവിക്കാമെന്നും 70കാരനായ ലിയാഖത്ത് പറയുന്നു. പ്രണയത്തിന്റെ കാര്യത്തില് പ്രായം ഒരു ഘടകമല്ല.നിയമപരമായി ആര്ക്കും ആരെയും വിവാഹം കഴിക്കാമെന്നും ലിയാഖത്ത് കൂട്ടിച്ചേര്ത്തു.
