തിരുവനന്തപുരത്ത് കിഴക്കേക്കോട്ടയില് രണ്ട് വയസുള്ള കുഞ്ഞിനെ തട്ടിക്കൊണ്ടു പോകാന് ശ്രമം. സംഭവത്തില് ട്രാന്സ് വുമണ് ഫോര്ട്ട് പൊലീസിന്റെ കസ്റ്റഡിയിലായി.
മണ്ണന്തല സ്വദേശിയുടെ കുഞ്ഞിനെയാണ് തട്ടിക്കൊണ്ടുപോകാന് ശ്രമം നടന്നത്. അച്ഛനോടൊപ്പമുണ്ടായിരുന്ന കുഞ്ഞിനെ ബലമായി പിടിച്ചു വാങ്ങാന് ശ്രമിക്കുകയായിരുന്നു. ഇന്നലെ രാത്രി കിഴക്കേ കോട്ടയിലെ റോഡിന് സമീപമായിരുന്നു സംഭവം. രക്ഷിതാക്കള്ക്കൊപ്പം ഉണ്ടായിരുന്ന കുഞ്ഞിനെ റോഡരികില് വെച്ചാണ് തട്ടിക്കൊണ്ട് പോകാന് ശ്രമിച്ചത്.
പ്രതി മദ്യലഹരിയില് ആയിരുന്നുവെന്ന് ഫോര്ട്ട് പൊലീസ് അറിയിച്ചു. കുഞ്ഞിന്റെ ആഭരണങ്ങളടക്കം കവര്ന്നെടുക്കാന് പ്രതി ശ്രമിച്ചിരുന്നെന്നാണ് ലഭിക്കുന്ന വിവരം. പ്രതിയെ രക്ഷിതാക്കള് അടക്കം ചേര്ന്നാണ് പിടിച്ചത്. നിലവില് പ്രതി പരിക്കേറ്റ് ആശുപത്രിയില് പൊലീസ് നിരീക്ഷണത്തിലാണ് പ്രതി.
