കോര്പറേറ്റ് വ്യവസായ രംഗത്തെ നൂതന സ്റ്റാര്ട്ട് അപ് ആശയങ്ങള് പ്രാവര്ത്തികമാക്കുന്നതിനായി ദുബായ് കേന്ദ്രമാക്കി ‘സ്റ്റാര്ട്ട് അപ് വര്ക്സ്’ എന്ന സംരംഭം ആരംഭിക്കുന്നു. സ്റ്റാര്ട്ട് അപ് വര്ക്സിന്റെ ഉദ്ഘാടനം ജനുവരി 26ന് 5.30ന് ദുബായിലെ ഷെയ്ഖ് സായീദ് റോഡിലെ ആസ്പിന് കമേഴ്സ്യല് ടവര് 1103യില് വെച്ച് നടക്കും. എമിറേറ്റ്സ് ഫസ്റ്റ് സിഇഒ ജമാദ് ഉസ്മാന്റെ പുതിയ സംരംഭമാണ് സ്റ്റാര്ട്ട് അപ് വര്ക്സ്.
നടനും സംവിധായകനുമായ ആര് മാധവന് ചടങ്ങ് ഉദ്ഘാടനം ചെയ്യും. ആസ്റ്റര് ഡിഎം ഹെല്ത്ത് കെയര് സ്ഥാപകനും ചെയര്മാനുമായ ആസാദ് മൂപ്പന്, നടന് നീരജ് മാധവന്, മലബാര് ഗോള് ആന്ഡ് ഡയമണ്ട്സ് ഇന്റര്നാഷണല് ഓപ്പറേഷന്സ് മാനേജിംഗ് ഡയറക്ടര് ഷംലാല് അഹമ്മദ്, നടനും ആര്ജെയുമായ മിഥുന് രമേശ്, റീഗന്സി ഗ്രൂപ്പ് സ്ഥാപകനും ചെയര്മാനുമായ ഷംസുദ്ദീന് ബിന് മൊഹിദ്ദീന് എന്നിവര് മുഖ്യ അതിഥികളാകും.
പരിപാടിയുടെ ഉദ്ഘാടനത്തിലേക്ക് എല്ലാവരെയും ക്ഷണിക്കുന്നതായി സ്റ്റാര്ട്ട് അപ് വര്ക്സ് അറിയിച്ചു.
