ലോകോത്തര സൗന്ദര്യ വർധക വസ്തുക്കളോടൊപ്പം കിടപിടിക്കാൻ കേരളത്തിന്‍റെ സ്വന്തം ലക്ഷ്വറി ബ്രാൻഡായ മോർഗാനിക്സ് വരുന്നൂ. അത്താച്ചി ഗ്രൂപ്പ് ഓഫ് കമ്പനീസാണ് സ്വന്തം കൃഷിയിടത്തിൽ വളർത്തുന്ന വിഭവങ്ങൾ ഉപയോഗിച്ച് ലക്ഷ്വറി സ്കിൻ കെയർ പ്രോഡക്ട്സ് വിപണിയിലെത്തിക്കുന്നത്.അമ്മയുടെ പേരിൽ ആരംഭിച്ച കമ്പനിയിൽ തികച്ചും പ്രകൃതിദത്തമായ നിർമാണ രീതിയായിരിക്കും അവലംബിക്കുകയെന്ന് അത്താച്ചി ഗ്രൂപ്പ് ചെയർമാൻ രാജു സുബ്രഹ്മണ്യം പറഞ്ഞു
പുതുശ്ശേരിയിലെ കെ.എസ്.ഐ.ഡി.സി ഇൻവെസ്റ്റ്മെന്‍റ് പാർക്കിൽ ആരംഭിച്ച നിർമാണ യൂണിറ്റ് വൃവസായ മന്ത്രി പി രാജീവാണ് ഉദ്ഘാടനം ചെയ്തത്. പ്രകൃതി ദത്ത സൗന്ദര്യവർധക വസ്തുക്കളുടെ ഡിമാൻഡ് വർധിച്ച് വരികയാണെന്നും വ്യവസായത്തിന് വേണ്ട എല്ലാ പിന്തുണയും സർക്കാരിന്‍റെ ഭാഗത്ത് നിന്നും ഉണ്ടാകുമെന്നും മന്ത്രി പ്രതികരിച്ചു. കേരളത്തിൽ ഇത്തരമൊരു ബ്രാൻഡ് തുടങ്ങാനുള്ള അത്താച്ചി ഗ്രൂപ്പിന്‍റെ പരിശ്രമത്തെ മന്ത്രി പ്രശംസിക്കുകയും ചെയ്തു.
പാലക്കാട്‌ എലപ്പുള്ളിയിലുള്ള സ്വന്തം കൃഷിയിടത്തിൽ വളർത്തിയെടുക്കുന്ന ഏറ്റവും മികച്ച ഗുണ മേന്മയുള്ള പരിശുദ്ധവും നൈസർഗികവുമായ വസ്തുക്കൾ മാത്രം ഉപയോഗിച്ചുള്ള ഉത്പന്നങ്ങൾ ആയിരിക്കും കമ്പനി പുറത്തിറക്കുകയെന്ന് ചെയർമാൻ രാജു സുബ്രഹ്മണ്യം അറിയിച്ചു. കേരളത്തിന്‍റെ സ്വന്തം ലക്ഷ്വറി ബ്രാൻഡായി മോർഗാനിക്സ് വരുന്നതോടെ ഈ മേഖലയിൽ വലിയ വിപ്ലവം കൈവരിക്കാനാകുമെന്നാണ് കമ്പനിയുടെ പ്രതീക്ഷ. ചെയർമാൻ രാജു സുബ്രമണ്യവും ദീപ സുബ്രമണ്യവും വാർത്താ സമ്മേളനത്തിൽ പങ്കെടുത്തു
