ദുബായ്: കേന്ദ്ര-സസ്ഥാന സർക്കാരുകൾ പ്രവാസികളുടെ അടിയന്തര പ്രാധാന്യമുള്ള വിഷയങ്ങളിൽ പോലും ഇടപെടാതെയും അടിക്കടി വിമാന യാത്ര നിരക്കുകൾ വർധിപ്പിച്ചുകൊണ്ടും നടത്തുന്ന പ്രവാസി വിരുദ്ധത അവസാനിപ്പിക്കണമെന്നും. അടിയന്തിരമായി പ്രവാസികൾക്ക് വോട്ടവശം നൽകണമെന്നും UAE കേന്ദ്രമാക്കി പ്രവർത്തിക്കുന്ന ആലപ്പുഴ ജില്ല പ്രവാസി സൗഹൃദവേദിയുടെ വാർഷിക പൊതുയോഗം പ്രമേയത്തിലൂടെ ആവശ്യപ്പെട്ടു.
അജ്‌മാൻ ഇന്ത്യൻ സോഷ്യൽ സെന്ററിൽ വെച്ച് പ്രസിഡന്റ് ശ്രീ. നജീബ് അമ്പലപ്പുഴയുടെ അധ്യക്ഷതയിൽ കൂടിയ വാർഷിക പൊതുയോഗത്തിൽ ജനറൽ സെക്രട്ടറി ശ്രീ. ഷാജി തോമസ് സ്വാഗതവും ട്രഷറർ ശ്രീ. പ്രതാപ്കുമാർ നായർ നന്ദിയും പറഞ്ഞു. പുതിയ ഭാരവാഹികളായി ശ്രീ. ഷാജി തോമസ് (പ്രസിഡന്റ്) ശ്രീ. ഉദയൻ മഹേശൻ (ജനറൽ സെക്രട്ടറി), ശ്രീ. നജീബ് മുഹമ്മദ്‌ (ട്രഷറർ), ശ്രീ. പ്രതാപ് കുമാർ നായർ (വൈസ് പ്രസിഡന്റ്) ശ്രീ. ഹരി ഭക്തവത്സലൻ (ജോയിന്റ് സെക്രട്ടറി), ശ്രീ. മനോഹർ സദാനന്ദൻ (ജോയിന്റ് ട്രഷറർ) എന്നിവരെ തെരഞ്ഞെടുത്തു. അഡ്വ. അരുൺകുമാർ, സ്മിത അജയ് , ബിനു ആനന്ദ്, ഗായത്രി തുടങ്ങിയർ നേതൃത്വം നൽകി.
