ചലച്ചിത്ര താരം അനൂപ് മേനോന് യുഎഇ ഗോൾഡൻ വിസ. ദുബായിലെ മുൻനിര സർക്കാർ സേവന ദാതാക്കളായ ഇ സി എച്ച് ഡിജിറ്റലിൽ എത്തി സിഇഒ ഇഖ്ബാൽ മാർക്കോണിയിൽ നിന്നുമാണ് താരം യുഎഇ ഗോൾഡൻ വിസ ഏറ്റുവാങ്ങിയത്. മുൻപ് മലയാളത്തിലേത് ഉൾപ്പെടെ നിരവധി ചലച്ചിത്ര താരങ്ങൾക്ക് യുഎഇ ഗോൾഡൻ വിസ നൽകിയതും ഇ സി എച്ച് ഡിജിറ്റൽ മുഖേനയാണ്.
ട്രിവാൻഡ്രം ലോഡ്ജ് , എൻ്റെ മെഴുതിരി അത്താഴങ്ങൾ , കിംഗ് ഫിഷ് തുടങ്ങി നൂറിലധികം സിനിമകളിൽ ശ്രദ്ധേയമായ വേഷങ്ങൾ കൈകാര്യം ചെയ്ത നടനാണ് അനൂപ് മേനോൻ .
വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമായി യുഎഇ ഭരണകൂടം അനുവദിക്കുന്നതാണ് ഗോള്ഡന് വിസ.
പത്ത് വര്ഷത്തെ കാലാവധിയുള്ള ഈ വിസ കാലാവധി പൂര്ത്തിയാവുമ്പോള് പുതുക്കി നല്കും. പ്രമുഖ നടന്മാരടക്കം നിരവധി മലയാളികള്ക്ക് ഇതിനോടകം തന്നെ ഗോള്ഡന് വിസ ലഭിച്ചിട്ടുണ്ട്. ഗോള്ഡന് വിസ മാനദണ്ഡങ്ങളില് ഈയിടെ യുഎഇ ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേക്ക് ഗോള്ഡന് വിസയുടെ പ്രയോജനം എത്തിക്കാനാണ് യുഎഇയുടെ ലക്ഷ്യം.
