കൊല്ലം: കേരളത്തിൽ കനത്ത ചൂട് തുടരുന്നതിനിടെ രണ്ട് ജില്ലകളിൽ ഉഷ്ണതരംഗ സാധ്യതയുണ്ടെന്ന് മുന്നറിയിപ്പ്. 2024-ന് ശേഷം ഇതാദ്യമായാണ് സംസ്ഥാനത്ത് ഉഷ്ണതരംഗ സാധ്യത മുൻനിർത്തി ഓറഞ്ച് അലർട്ട് പ്രഖ്യാപിക്കുന്നത്.
സംസ്ഥാന ദുരന്ത നിവാരണ അതോറിറ്റിയിൽ നിന്നുള്ള അറിയിപ്പ്
കൊല്ലം, പാലക്കാട് ജില്ലകളിൽ ഉയർന്ന താപനില റിപ്പോർട്ട് ചെയ്യപ്പെടുന്ന സാഹചര്യത്തിൽ കേന്ദ്ര കാലാവസ്ഥ വകുപ്പ് ഈ ജില്ലകളിൽ ഉഷ്ണതരംഗ സാധ്യത മുന്നറിയിപ്പ് പ്രഖ്യാപിച്ചിരിക്കുന്നതിനാൽ ഇന്ന് (23/04/2026) ഉച്ചയ്ക്ക് 12.30 ന് ശേഷം കൊല്ലം, പാലക്കാട് ജില്ലകളിലും ചൂട് പൊതുവെ വർധിക്കുന്ന സാഹചര്യത്തിൽ മറ്റെല്ലാ ജില്ലകളിലും കവചം (KaWaCHaM) മുന്നറിയിപ്പ് സംവിധാനത്തിന്റെ ഭാഗമായുള്ള സൈറണുകൾ മുഴങ്ങുന്നതായിരിക്കും.
പുറപ്പെടുവിച്ച സമയവും തീയതിയും: 12:00 PM – 23/04/2026
കേരളത്തിലെ മിക്ക ജില്ലകളിലും വരും ദിവസങ്ങളിൽ സാധാരണയെക്കാൾ ഉയർന്ന താപനില അനുഭവപ്പെടാൻ സാധ്യത.
ഏപ്രിൽ 23, 24 തീയതികളിൽ:
പാലക്കാട്: ഒറ്റപ്പെട്ട സ്ഥലങ്ങളിൽ 41˚C വരെ.
കൊല്ലം, തൃശൂർ: 40˚C വരെ.
കോട്ടയം, പത്തനംതിട്ട, എറണാകുളം, കോഴിക്കോട്: 38˚C വരെ.
ആലപ്പുഴ, മലപ്പുറം, കണ്ണൂർ, കാസർഗോഡ്: 37˚C വരെ.
തിരുവനന്തപുരം: 36˚C വരെ.
ഈ ജില്ലകളിൽ സാധാരണയെക്കാൾ 4 മുതൽ 5˚C വരെ ഉയർന്ന താപനില അനുഭവപ്പെടാൻ സാധ്യതയുണ്ട്.
ഏപ്രിൽ 25, 26 തീയതികളിൽ:
പാലക്കാട്: ഒറ്റപ്പെട്ട സ്ഥലങ്ങളിൽ 40˚C വരെ.
കൊല്ലം: 39˚C വരെ.
തൃശൂർ, കോട്ടയം: 38˚C വരെ.
പത്തനംതിട്ട, ആലപ്പുഴ, എറണാകുളം, മലപ്പുറം, കണ്ണൂർ, കാസർഗോഡ്, കോഴിക്കോട്: 37˚C വരെ.
തിരുവനന്തപുരം: 36˚C വരെ.
ഈ ജില്ലകളിൽ സാധാരണയെക്കാൾ 3 മുതൽ 4˚C വരെ ഉയർന്ന താപനില അനുഭവപ്പെടാൻ സാധ്യതയുണ്ട്.
