ലോകത്തിലെ ആദ്യ രാജ്യാന്തര ഡിജിറ്റൽ സാമ്പത്തിക കോടതി യുഎഇയിൽ ആരംഭിച്ചു. ഡിജിറ്റൽ സമ്പദ്വ്യവസ്ഥയുമായി ബന്ധപ്പെട്ട തർക്ക പരിഹാരത്തിനു വേണ്ടിയാണ് കോടതി പ്രവർത്തിക്കുക. രാജ്യാന്തര നിയമവിദഗ്ധർ നേതൃത്വം നൽകുന്ന സ്ഥാപനത്തിന്റെ ആസ്ഥാനം ദുബായ് ഇന്റർനാഷനൽ ഫിനാൻഷ്യൽ സെന്ററിലാണ്.
ആർട്ടിഫിഷ്യൽ ഇന്റലിജൻസും പ്രത്യേക നിയമങ്ങളും ഉൾപ്പെടെ ഏറ്റവും പുതിയ സംവിധാനങ്ങൾ വഴി വിവരങ്ങൾ കൈകാര്യം ചെയ്യുന്നതിനുള്ള സ്മാർട് ഫോമുകൾ വികസിപ്പിക്കുന്നതിനും ലോകോത്തര അഭിഭാഷകരുടെയും വിദഗ്ധരുടെയും പാനലിനെ നിയോഗിച്ചിട്ടുണ്ട്. ബിഗ് ഡേറ്റ, ബ്ലോക്ക്ചെയിൻ, എഐ, ഫിൻടെക്, ക്ലൗഡ് സേവനങ്ങൾ തുടങ്ങി ആളില്ലാ വിമാനങ്ങൾ വരെയുള്ള സങ്കീർണ വിഷയങ്ങൾ പ്രത്യേക കോടതി കൈകാര്യം ചെയ്യും.
