പശ്ചിമേഷ്യയിൽ പ്രതിസന്ധി വീണ്ടും മൂർച്ഛിക്കുന്നതിനിടെ ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവൽ സൌദ്ദിയിലെത്തി. സൌദ്ദി അറേബ്യയുടെ ഊർജ്ജമന്ത്രി അബ്ദുൽ അസീസ് ബിൻ സൽമാൻ രാജകുമാരനുമായി ഡോവൽ ചർച്ച നടത്തി. ഇന്ത്യയുടെ ഏറ്റവും വലിയ ഊർജ്ജ വിതരണ പങ്കാളികളിലൊന്നാണ് സൌദി അറേബ്യ.
ഊർജ്ജരംഗത്ത് ഇരുരാജ്യങ്ങളും തമ്മിൽ സഹകരണം ശക്തമാക്കുന്നത് കൂടിക്കാഴ്ചയിൽ ചർച്ചയായെന്ന് സൌദി മാധ്യമമായ സൌദ്ദി ഗസ്റ്റ് റിപ്പോർട്ട് ചെയ്തു. റിയാദിൽ വച്ചു നടന്ന ചർച്ചയിൽ സഹമന്ത്രിയും മന്ത്രിതല കൌണ്സിൽ അംഗവും ദേശീയ സുരക്ഷാ ഉപദേഷ്ടാവുമായ ഡോ.മുസേദ് അൽ ഐബാനും പങ്കെടുത്തു.
സൌദി വിദേശകാര്യമന്ത്രി ഫൈസൽ ഫിൻ ഫർഹാനുമായും അജിത് ഡോവൽ കൂടിക്കാഴ്ച നടത്തി. പശ്ചിമേഷ്യയിലെ നിലവിലെ സാഹചര്യങ്ങൾ ഇരുവരും ചർച്ച ചെയ്തുവെന്നാണ് വിവരം. ഹോർമുസ് പ്രതിസന്ധി രൂക്ഷമാകുന്നതിനിടെ വിദേശകാര്യമന്ത്രി എസ്.ജയ്ശങ്കറും കഴിഞ്ഞ ദിവസം യുഎഇ സന്ദർശിച്ചിരുന്നു. കേന്ദ്ര പെട്രോളിയം മന്ത്രി ഹർദീപ് സിംഗ് പുരി ഖത്തറും സന്ദർശിച്ചിരുന്നു. ഹോർമുസ് പ്രതിസന്ധി രൂക്ഷമാകുന്ന പക്ഷം ഇന്ധനലഭ്യത ഉറപ്പാക്കുക എന്ന ലക്ഷ്യത്തോടെയാണ് ഇരുനേതാക്കളും എത്തിയത് എന്നാണ് സൂചന.
