ചുരുങ്ങിയ കാലം കൊണ്ട് സൗദി അറേബ്യയിൽ ജനങ്ങളുടെ പ്രിയപ്പെട്ട ഭക്ഷണ കേന്ദ്രമായി മാറിയ കൊക്കരക്കോ ചിക്കൻ ദുബായിലേക്ക്. ദുബായിലെ ഖിസൈസിലെ ഡാഫ്സ മെട്രോ സ്റ്റേഷന് സമീപത്തെ അൽ തവാർ സ്ക്വയർ കെട്ടിടത്തിലാണ് പ്രവർത്തനം ആരംഭിക്കുന്നത്. ഓഗസ്റ്റ് 22 നു വൈകുന്നേരം ഏഴ് മണിക്ക് സോഷ്യൽ മീഡിയ താരവും ഗായകനുമായ ഹനാൻ ഷാ ഔട്ട്ലെറ്റ് ഉത്ഘാടനം ചെയ്യും.
ഒപ്പം ഇഹ്സാൻ, യാസിർ ഹമീദ് തുടങ്ങിയവർ അവതരിപ്പിക്കുന്ന വിവിധ കലാപരിപാടികളും നടക്കും. ഉദ്ഘാടനത്തോട് അനുബന്ധിച്ച് 23, 24, 25 തിയതികളിൽ നാല് പീസ് ചിക്കന് 12 ദിർഹംസ് എന്നത് ഉൾപ്പടെയുള്ള പ്രത്യേക ഓഫറുകളും സ്പെഷ്യൽ ഡിസ്കൗണ്ടുകളും ഉപഭോക്താക്കൾക്ക് നൽകുമെന്ന് കൊക്കരക്കോ റസ്റ്റോറന്റ് ഭാരവാഹികൾ അറിയിച്ചു. ദുബായിൽ നടന്ന വാർത്താ സമ്മേളനത്തിൽ കമ്പനിയുടെ ലോഗോ പ്രകാശന കർമവും നിർവഹിച്ചു.
കമ്പനി ചെയർമാൻ സുധീർ ജമാൽ മുഹമ്മദ് മാനേജർമാരായ സിദ്ദീഖ്, മാഹിൻ തുടങ്ങിയവർ പങ്കെടുത്തു. എൻവോക് ഇവന്റ്സ് അവതരിപ്പിക്കുന്ന പരിപാടിയിൽ യുഎഇയിലെ കലാ, സാമൂഹിക മേഖലയിലെ പ്രശസ്തരായ വ്യക്തികളും പങ്കെടുക്കും.
