അബുദാബി: യുഎഇയിലെ പബ്ലിക് സ്കൂൾ വിദ്യാർത്ഥികളുടെ ഫീസ് കുടിശ്ശിക അടച്ചുതീർക്കാൻ പ്രസിഡൻ്റ് ഷെയ്ഖ് മുഹമ്മദ് വ്യാഴാഴ്ച ഉത്തരവിട്ടു.
യുവാക്കളുടെ വിദ്യാഭ്യാസത്തെ പിന്തുണയ്ക്കാൻ ലക്ഷ്യമിട്ടുള്ള സംരംഭത്തിൻ്റെ ഭാഗമായി 155 മില്യൺ ദിർഹത്തിൻ്റെ ഫീസ് കുടിശ്ശികകൾ ഏറ്റെടുത്ത് അടച്ചു തീർക്കാൻ പ്രസിഡൻ്റ് ഉത്തരവിട്ടെന്ന് വാർത്താ ഏജൻസിയായ വാമിൻ്റെ റിപ്പോർട്ടിൽ പറയുന്നു.
എമിറേറ്റ്സ് ഫൗണ്ടേഷൻ ഫോർ സ്കൂൾ എജ്യുക്കേഷനുമായി സഹകരിച്ച് നടപ്പിലാക്കുന്ന കുടിശ്ശിക തീർക്കലിൻ്റെ പ്രയോജനം രാജ്യത്തെ സർക്കാർ സ്കൂളുകളിൽ രജിസ്റ്റർ ചെയ്തിട്ടുള്ള എല്ലാ വിദ്യാർത്ഥികൾക്ക് ലഭിക്കും. 2023-2024 അധ്യയന വർഷത്തെ മുഴുവൻ ഫീസ് കുടിശ്ശികയും ഇതിലൂടെ തീരും.
