തിരുവനന്തപുരം: എസ് ശ്രീജിത്തിനെ ഡിജിപിയാക്കണമെന്ന് ശുപാർശ നൽകി ചീഫ് സെക്രട്ടറി. ഫയൽ മുഖ്യമന്ത്രിയുടെ പരിഗണനയ്ക്ക് വിട്ടിരിക്കുകയാണ്. എംആർ അജിത് കുമാർ സസ്പെൻഷനിലായതിനാൽ അടുത്ത ഉദ്യോഗസ്ഥനെ പരിഗണിക്കേണ്ടതുണ്ട്.
1996 ബാച്ചുകാരായ ശ്രീജിത്തിനെയും വിജയ് സാക്കറെയും ഡിസംബറിൽ ചേർന്ന സ്ക്രീനിംഗ് കമ്മിറ്റി ശുപാർശ ചെയ്തിരുന്നു. ഈ മാസം 30 ന് ഫയർഫോഴ്സ് മേധാവി നിധിൻ അഗർവാൾ വിരമിക്കുമ്പോഴുള്ള ഒഴിവിലാണ് നിയമനം നൽകേണ്ടത്.
കേരള കേഡറിലെ സീനിയർ എഡിജിപിമാരായ സുരേഷ് രാജ് പുരോഹിത്, എം.ആർ അജിത്ത് കുമാർ എന്നിവരിലൊരാൾക്കാണ് നിയമനം ലഭിക്കേണ്ടത്. എന്നാൽ കേന്ദ്രസർവ്വീസിലുള്ള സുരേഷ് രാജ് പുരോഹിത് കേരളത്തിലേക്ക് വരാൻ താത്പര്യട്ടിരുന്നില്ല. ഇതോടെയാണ് അജിത്ത് കുമാറിന് വഴി തെളിഞ്ഞത്. എന്നാൽ രക്ഷാപ്രവർത്തന കേസ് അട്ടിമറിക്കാൻ ശ്രമിച്ചതിന് അജിത്ത് കുമാർ സസ്പെൻഷനിലായതോടെയാണ് ശ്രീജിത്തിന് സ്ഥാനലബ്ധിക്ക് വഴിയൊരുങ്ങിയത്.
