വെബ്സൈറ്റ് പരിഷ്കരണത്തിന്റെ ഭാഗമായി ഡിജിറ്റൽ സേവനങ്ങൾ എട്ട് മണിക്കൂർ തടസ്സപ്പെടുമെന്ന് യുഎഇ യിലെ സാമ്പത്തിക മന്ത്രാലയം അറിയിച്ചു. മികച്ച സേവനങ്ങൾ പൊതുജനങ്ങൾക്ക് ലഭ്യമാക്കുന്നതിന്റെ മുന്നോടിയായാണ് താല്ക്കാലികമായി പ്രവർത്തനം നിർത്തി വയ്ക്കുന്നത്. മന്ത്രാലയത്തിന്റെ വെബ്സൈറ്റിലൂടെയാണ് അറിയിപ്പ്. മാർച്ച് 11 ശനിയാഴ്ച വൈകുന്നേരം 4 മണി മുതൽ മാർച്ച് 12 ഞായറാഴ്ച പുലർച്ചെ 12 മണി വരെയാണ് സേവനങ്ങൾ തടസപ്പെടുക.പൊതുജനങ്ങൾക്ക് സേവനങ്ങൾ വേഗത്തിലും ലളിതമായും ലഭ്യക്കുകയാണ് ഇതുവഴി മന്ത്രാലയം ലക്ഷ്യമിടുന്നത്
വ്യാപാരമുദ്ര സേവനങ്ങൾ, ഉപഭോക്തൃ സംരക്ഷണം, പേറ്റന്റ്, വ്യാവസായിക ഡിസൈനുകൾ തുടങ്ങി നിരവധി സേവനങ്ങളാണ് ഓൺലൈനിലൂടെ നൽകുന്നത്. നിരവധി സേവനങ്ങളുടെ അപേക്ഷ സമർപ്പിക്കുന്നതിനും ഫീസ് കെട്ടിവയ്ക്കുന്നതിനും ഓൺലൈൻ സേവനം ഉപയോഗപ്പെടുത്താറുണ്ട്. ഇതിനാണ് ഇപ്പോൾ താൽക്കാലിക വിലക്ക് ഏർപ്പെടുത്തിയിരിക്കുന്നത്
