രാജ്യത്തെ 8 ബാങ്കുകൾക്ക് വിലക്കേർപ്പെടുത്തി യുഎഇ സെൻട്രൽ ബാങ്ക്. നിർദേശങ്ങൾ മറികടന്ന് വായ്പകൾ അനുവദിച്ചതിനെ തുടർന്നാണ് നടപടി. NDDSF ഫണ്ടിൽ നിന്നും വായ്പ സേവനങ്ങൾ കൈപ്പറ്റിയവർക്ക് മറ്റ് വായ്പകൾ നൽകരുതെന്ന് ബാങ്കുകൾക്ക് നിർദേശം നൽകിയിരുന്നു. ഇത് മറികടന്ന് ലോണുകൾ നൽകിയ ബാങ്കുകൾക്കെതിരെയാണ് നടപടി
2018 ലെ ഫെഡറൽ ഡിക്രീറ്റൽ ലോ ആർട്ടിക്കിൾ 137 പ്രകാരമാണ് നടപടി. യുഎഇയുടെ സാമ്പത്തിക സുതാര്യതല ഉറപ്പുവരുത്താൻ എല്ലാ ധനകാര്യ സ്ഥാപനങ്ങളിലും സെൻട്രൽ ബാങ്കിന്റെ കർശന പരിശോധനകളാണ് നടത്തി വരുന്നത്. നിയമങ്ങൾ പാലിക്കാതെ നടത്തുന്ന സ്ഥാപനങ്ങൾക്കെതിരെ കർശന നടപടി സ്വീകരിക്കുമെന്നും അധികൃതർ മുന്നറിയിപ്പ് നൽകി.
മണി എക്സ്ചേഞ്ച് സ്ഥാപനങ്ങളിലും നിയമങ്ങൾ പാലിക്കുന്നുണ്ടെന്നുറപ്പാക്കാൻ ഇത്തരം കർശന നടപടികൾ സ്വീകരിച്ചിരുന്നു. വിലക്കേർപ്പെടുത്തിയ ബാങ്കുകളുടെ പേരുവിവരങ്ങൾ പുറത്ത് വിട്ടിട്ടില്ല
