ആലുവ യുസി കോളേജിന് സമീപം ആല്‍മരത്തിന്റെ കൊമ്പ് ഒടിഞ്ഞ് വീണ് ഏഴ് വയസുകാരന് മരിച്ചു. മൂന്നാം ക്ലാസ് വിദ്യാര്‍ത്ഥിയായ കാരോട്ട് പറമ്പില്‍ അഭിനവ് കൃഷ്ണയാണ് മരിച്ചത്.
വെള്ളാം ഭഗവതി ക്ഷേത്രത്തിലെ ആല്‍മരത്തിന്റെ കൊമ്പ് ആണ് കുട്ടികള്‍ കളിക്കുന്നതിനിടെ ഒടിഞ്ഞു വീണത്. മരം വീണത് കണ്ട് എത്തിയ നാട്ടുകാര്‍ രണ്ട് കുട്ടികളെ ആശുപത്രിയില്‍ എത്തിച്ചു. എന്നാല്‍ അതിന് ശേഷമാണ് അഭിനവിനെ കാണാനില്ലെന്ന് ബന്ധുക്കള്‍ പറയുന്നത്. തുടര്‍ന്ന് നടത്തിയ തെരച്ചിലില്‍ ആണ് അഭിനവിനെ മരത്തിനിടയില്‍ കുടുങ്ങിക്കിടക്കുന്ന നിലയില്‍ കണ്ടെത്തിയത്.
തലക്ക് പരിക്കേറ്റ അഭിനവിനെ ആശുപത്രിയില്‍ എത്തിക്കുമ്പോഴേക്കും മരിച്ചിരുന്നു.
