തൃശൂര് ലൂര്ദ് പള്ളിയില് മാതാവിന് സ്വര്ണ കിരീടം സമര്പ്പിച്ച് നടനും ബിജെപി നേതാവുമായ സുരേഷ് ഗോപി. മകള്ക്കും ഭാര്യയ്ക്കുമൊപ്പമാണ് സുരേഷ് ഗോപി പള്ളിയില് എത്തിയത്. നേരത്തെ സുരേഷ് ഗോപി സ്വര്ണ കിരീടം നേര്ന്നിരുന്നു. മകളുടെ വിവാഹത്തിനോട് അടുപ്പിച്ചാണ് നേര്ച്ച നിറവേറ്റുകയായിരുന്നു.
കഴിഞ്ഞ പെരുന്നാളിന് ലൂര്ദ് പള്ളിയില് എത്തിയപ്പോഴാണ് സുരേഷ് ഗോപി മാതാവിന് സ്വര്ണകിരീടം സമര്പ്പിക്കാമെന്ന് നേര്ച്ച നേര്ന്നത്. സുരേഷ് ഗോപിക്കും കുടുംബത്തിനുമൊപ്പം ബിജെപി നേതാക്കളും ചടങ്ങില് പങ്കെടുത്തു. സ്വര്ണ കിരീടം സമര്പ്പിക്കാനെത്തിയ സുരേഷ് ഗോപിയെയും സംഘത്തെയും പള്ളി വികാരി നേരിട്ടെത്തി സ്വീകരിച്ച് പള്ളിക്കുള്ളിലേക്ക് ആനയിച്ചു. തുടര്ന്ന് സുരേഷ് ഗോപി മാതാവിന്റെ രൂപത്തിന് മുമ്പില് സ്വര്ണ കിരീടം സമര്പ്പിച്ച് പ്രാര്ത്ഥിച്ചു. തുടര്ന്ന് കിരീടം വികാരിക്ക് കൈമാറി. സുരേഷ് ഗോപി മകള്ക്കും ഭാര്യയ്ക്കുമൊപ്പം ആ കരീടം മാതാവിന്റെ തലയില് അണിയിക്കുകയും ചെയ്തു.
വരുന്ന ലോക്സഭ തെരഞ്ഞെടുപ്പില് സുരേഷ് ഗോപി തൃശൂര് മണ്ഡലത്തെ പ്രതിനിധീകരിച്ച് തന്നെ മത്സരിക്കുമെന്ന് ഏകദേശം ഉറപ്പായ സാഹചര്യമുണ്ട്. ഇത് മുന്നില് കണ്ട് അദ്ദേഹം മണ്ഡലത്തെ പ്രതിനിധീകരിച്ച് പ്രവര്ത്തനങ്ങള് ആരംഭിക്കുകയും ചെയ്തിട്ടുണ്ട്.
ജനുവരി 17നാണ് സുരേഷ് ഗോപിയുടെ മകളുടെ വിവാഹം നിശ്ചയിച്ചിരിക്കുന്നത്. ഗുരുവായൂരില് വെച്ച് നടക്കുന്ന വിവാഹത്തില് പ്രധാനമന്ത്രി നരേന്ദ്ര മോദിയും പങ്കെടുക്കും.
