നിലയ്ക്കലും പമ്പയിലും തിരക്ക് വര്ധിച്ചതോടെ മലചവിട്ടാതെ ഭക്തര് തിരിച്ചിറങ്ങുന്നു. മണിക്കൂറുകള് വരി നിന്നിട്ടും മലകയറാന് കഴിയാത്ത സാഹചര്യത്തിലാണ് ഭക്തര് തിരിക്കുന്നത്. പന്തളത്ത് ശ്രീധര്മ ശാസ്ത്ര ക്ഷേത്രത്തില് എത്തി തേങ്ങയുടച്ച് ഇരുമുടിക്കെട്ടഴിച്ച് മാലയൂരി മടങ്ങുകയാണ്. കര്ണാടക, തമിഴ്നാട് സ്വദേശികളാണ് പന്തളത്ത് എത്തി മടങ്ങുന്നതില് അധികവും.
ശബരിമലയില് സന്നിധാനത്ത് തിരക്ക് കുറയ്ക്കാന് കടുത്ത നിയന്ത്രണം ഏര്പ്പെടുത്തിയതോടെ പമ്പയില് തീര്ത്ഥാടകര് നാല് മണിക്കൂറോളം കാത്തു നില്ക്കേണ്ട അവസ്ഥയാണ് നിലവിലുള്ളത്. പമ്പയിലെ തിരക്ക് കുറയ്ക്കാന് ഉള്ള ബസുകള് പുറപ്പെടുന്നതിന്റെ ഇടവേളയും കൂട്ടി.
അതേസമയം തീര്ത്ഥാടകരെ നിയന്ത്രിക്കാനോ വരി നിര്ത്തി ബസില് കയറ്റാനോ ആവശ്യത്തിന് പൊലീസ് സംവിധാനം ഇല്ലാത്തതും പ്രതിസന്ധിയുണ്ടാക്കുന്നുണ്ട്.
ഇന്ന് ശബരിമല വിഷയവുമായി ബന്ധപ്പെട്ട് മുഖ്യമന്ത്രി അവലോകന യോഗം ചേരും. ഓണ്ലൈന് ആയി ചേരുന്ന യോഗത്തില് ദേവസ്വം മന്ത്രി, മറ്റു മന്ത്രിമാര്, ചീഫ് സെക്രട്ടറി, ദേവസ്വം പ്രസിഡന്റ് എന്നിവരും പങ്കെടുക്കും.
