സംവിധായകന് ലോകേഷ് കനകരാജിനെതിരെ കോടതിയില് ഹര്ജി. സംവിധായകന്റെ മാനസികനില പരിശോധിക്കണമെന്ന് ആവശ്യപ്പെട്ടാണ് മദ്രാസ് ഹൈക്കോടതിയില് ഹര്ജി സമര്പ്പിച്ചിരിക്കുന്നത്. മധുര സ്വദേശി രാജാമുരുകനാണ് ലോകേഷിന്റെ മാനസികനില പരിശോധിക്കണമെന്ന് ആവശ്യപ്പെട്ട് ഹര്ജി സമര്പ്പിച്ചത്.
നടന് വിജയ് നായകനായി ലോകേഷ് കനകരാജ് സംവിധാനം ചെയ്ത ‘ലിയോ’ എന്ന ചിത്രത്തില് അക്രമവും ലഹരിമരുന്ന് കുത്തിനിറച്ച രംഗങ്ങളും ചിത്രീകരിച്ചിരുന്നു. ഇത്തരം ദൃശ്യങ്ങള് സമൂഹത്തിന് തെറ്റായ സന്ദേശം നല്കുമെന്നാണ് ഹര്ജിക്കാരന്റെ വാദം.
ലിയോ’കണ്ട് തനിക്ക് മാനസിക സമ്മര്ദം അനുഭവപ്പെട്ടുവെന്നും ഹര്ജിക്കാരനായ രാജാമുരുകന് ആരോപിക്കുന്നു. ഇതിന്
നഷ്ടപരിഹാരമായി 1000 രൂപ നല്കണമെന്നും ഹര്ജിയിലുണ്ട്. മദ്രാസ് ഹൈക്കോടതി മധുര ബെഞ്ചിലാണ് ഹര്ജി നല്കിയത്. ഹര്ജി കോടതി പിന്നീട് പരിഗണിക്കും.
