നിതീഷ് സഹദേവൻ സംവിധാനം ചെയ്ത് ജീവ മുഖ്യവേഷത്തിൽ തമിഴ് കോമഡി ചിത്രം ടിടിടി (തലൈവർ തമ്പി തലമയിൽ) നേടിയ അപ്രതീക്ഷിത വിജയത്തിന് പിന്നാലെ കൂടുതൽ പ്രൊജക്ടുകൾ പ്രഖ്യാപിച്ച് നിർമ്മാതാവും പ്രവാസി വ്യവസായിയുമായി കണ്ണൻ രവി. മലയാളത്തിലടക്കം മൂന്ന് സിനിമകളാവും ദുബായ് കേന്ദ്രീകരിച്ച് പ്രവർത്തിക്കുന്ന കണ്ണൻ രവി ഇനി നിർമ്മിക്കുക.
രാജ്പ്രഭാവതി മേനോനാണ് കണ്ണൻ രവിക്കായി മലയാള സിനിമ സംവിധാനം ചെയ്യുന്നത്. ചിത്രം സംബന്ധിച്ച് കൂടുതൽ വിവരങ്ങൾ വരും ദിവസങ്ങളിൽ പുറത്തു വിടും. സത്യ രാജിന്റെ മകൻ സിബിരാജടക്കം അന്യഭാഷകളിൽ നിന്നടക്കമുള്ള വമ്പൻ താരനിര മലയാള ചിത്രത്തിന്റെ ഭാഗമാകും എന്നാണ് സൂചന. ഈ സിനിമയടക്കം പത്തിലേറെ ചിത്രങ്ങൾ ഈ വർഷം മാത്രം നിർമ്മിക്കാനാണ് കണ്ണൻ രവിയുടെ തീരുമാനം.
