കേരള സ്റ്റോറി സിനിമയെ ചൊല്ലി കേരളം വാ‍ർത്തകളിൽ നിറയുമ്പോൾ സമൂഹമാധ്യമങ്ങളിൽ വൈറലായി ബോളിവുഡ് താരം ജോൺ എബ്രഹാമിൻ്റെവാക്കുകൾ. കുറച്ചു കാലം മുൻപ് ഒരു പൊതുപരിപാടിയിൽ പങ്കെടുത്ത് സംസാരിക്കുമ്പോൾ അവതാരക ചോദിച്ച ചോദ്യത്തിന് മറുപടിയായിട്ടാണ് ജോൺ എബ്രഹാം കേരളത്തെക്കുറിച്ച് പറയുന്നത്. എന്ത് കൊണ്ട് കേരളം മോദിഫൈഡാവുന്നില്ലെന്നായിരുന്നു അവതാരകയുടെ ചോദ്യം…
ജോൺ എബ്രഹാമിൻ്റെ വാക്കുകൾ…
ഒരു പള്ളിയും അമ്പലവും മോസ്കും ഒരു പത്ത് മീറ്റർ ദൂരത്തിൽ സമാധനത്തോടെ പ്രവർത്തിക്കുന്നത് കേരളത്തിൽ കാണുന്ന ഒരു കാഴ്ചയാണ്. കേരളത്തില്‍ ഒരു തരത്തിലുള്ള പ്രശ്നങ്ങളുമില്ല. നോക്കൂ, ഇന്ന് ലോകമാകമാനം ആളുകൾ വിഭജിക്കെപ്പെടുമ്പോൾ എല്ലാ മതങ്ങളും ജാതികളും വളരെ സമാധാനത്തോടെയാണ് കേരളത്തിൽ സഹകരിച്ചു പോകുന്നത്. ആ കാര്യത്തിൽ കേരളം ലോകത്തിനൊരു മാതൃകയാണ്. ഫിദല്‍ കാസ്ട്രോ മരിച്ച് സമയത്ത് ഞാൻ കേരളത്തിലുണ്ടായിരുന്നു. അവിടെ മാത്രമാണ് വ്യാപകമായി ഫിദൽ കാസ്ട്രോയ്ക്ക് ആദരാഞ്ജലികൾ അർപ്പിച്ചുള്ള പോസ്റ്റുകളും ബാനറുകളും കണ്ടത്. യഥാർത്ഥ കമ്മ്യൂണിസ്റ്റുകൾ ആണ് കേരളത്തിലുള്ളത്. എന്‍റെ അച്ഛനിലും കേരളത്തിൻ്റെ സ്വഭാവ സവിശേഷതകൾ കാണാൻ എനിക്കായിട്ടുണ്ട്. മാർക്സിറ്റ് ആശയങ്ങളുള്ള പുസ്തകങ്ങളും മറ്റും അദ്ദേഹം വഴി ഞാൻ വായിച്ചിട്ടുണ്ട്. എല്ലാ മല്ലൂസിലും കുറച്ച് കമ്മ്യൂണിസമുണ്ട്. അതൊരു വലിയ കാര്യമാണ്.. സമൂഹത്തിൽ തുല്യജീവിതനിലവാരവരും സാമ്പത്തിക സമത്വവും വേണമെന്ന് ഓരോ മലയാളിയും കരുതുന്നു.
Thank you @TheJohnAbraham for sharing the truth about what is Kerala…
Really a slap on the face of all propagandists… This is the real #KeralaStory pic.twitter.com/7yJ4U0OYTi
— Comrade From Kerala ???? (@ComradeMallu) May 7, 2023
