കോഴിക്കോട്: കേരളത്തിൽ ഇന്ന് എവിടെയും മാസപ്പിറവി ദൃശ്യമാകാത്തതിനാൽ നാളെ ശഅ്ബാൻ 30 പൂർത്തിയാക്കി വ്യാഴാഴ്ച്ച റമദാൻ വ്രതമാരംഭിക്കുമെന്ന് വിവിധ ഖാസിമാർ അറിയിച്ചു.
ഇന്ന് മാസപ്പിറവി കാണാൻ നേരിയ സാധ്യത മാത്രമാണുണ്ടായിരുന്നത്. സംസ്ഥാനത്ത് എവിടെയും മാസപ്പിറവി കണ്ടതായി വിവരമില്ലെന്ന് വിവിധ ഖാദിമാർ അറിയിച്ചു. ഒമാനിൽ റമദാൻ വ്യാഴാഴ്ച്ച ആയിരിക്കുമെന്ന് നേരത്തേ പ്രഖ്യാപിച്ചിരുന്നു. സൗദ്ദി അറേബ്യ, ഖത്തർ, യുഎഇ, കുവൈത്ത്, ബഹ്റൈൻ അടക്കമുള്ള മറ്റു രാജ്യങ്ങളിലെ കാര്യത്തിൽ അൽപസമയത്തിനകം തീരുമാനമുണ്ടാകും.
