നെടുമ്പാശ്ശേരി : ഹജ്ജ് ക്യാംപിലെ വളണ്ടിയർ കുഴഞ്ഞ് വീണ് മരിച്ചു. ഹജ്ജ് ക്യാംപിലെ ഭക്ഷണ ശാലയിൽ പ്രവർത്തിക്കുകയായിരുന്ന മുവാറ്റുപുഴ പേട്ട പള്ളിക്കൂടത്തിൽ വീട്ടിൽ ഷക്കീർ ഹുസൈൻ (58) ആണ് മരണപ്പെട്ടത്. ഇന്നലെ പുലർച്ചെ സുബ്ഹി നമസ്ക്കാരത്തിന് ശേഷം ഭക്ഷണശാലയിലെത്തിയ ഷക്കീർ ഹുസൈൻ അവിടെ കുഴഞ്ഞ് വീഴുകയായിരുന്നു. ക്യാംപിലുണ്ടായിരുന്നവർ ഉടൻ തന്നെ അദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരേതനായ ഹസ്സൻ റാവുത്തറിന്റെ മകനാണ് ഷക്കീർ ഹുസൈൻ. മാതാവ് ആമിന. ഭാര്യ:നാജ. മക്കൾ : നാസിഫ് ഹുസൈൻ, വാസിൽ, ജാസിർ. ഖബറടക്കം നടത്തി.
ഹജ്ജ് ക്യാംപിലെ വളണ്ടിയർ കുഴഞ്ഞു വീണ് മരിച്ചു
