ഫോണ് നമ്പര് ഇല്ലാതെ ഓഡിയോ-വീഡിയോ കോള് നടത്താനാവുന്ന ഫീച്ചര് എക്സ് പ്ലാറ്റ് ഫോമില് ഒരുക്കുമെന്ന് പ്രഖ്യാപിച്ച് ടെസ്ല സ്ഥാപകന് ഇലോണ് മസ്ക്. ആന്ഡ്രോയിഡ്, ഐഒഎസ് പ്ലാറ്റ്ഫോമുകള്ക്ക് അനുയോജ്യമായ വിധത്തിലാണ് പരിഷ്കാരം വരുന്നത്.
യൂസര് നേമിന്റെ അടിസ്ഥാനത്തില് ഫോണ് ചെയ്യാന് കഴിയുന്ന സംവിധാനം ആയിരിക്കും എക്സില് ഒരുക്കുക എന്നാണ് പ്രാഥമിക നിഗമനം. അതേസമയം ഫീച്ചര് എപ്പോള് മുതല് നടപ്പിലാക്കുമെന്നത് സംബന്ധിച്ച് വ്യക്തതയില്ല.
വാട്സ് ആപ്പിലേത് പോലെ തന്നെ ട്വിറ്ററിലും വീഡിയോ കോള് എന്ഡ് ടു എന്ഡ് എന്ക്രിപ്ഷന് ഉള്ളതായിരിക്കുമെന്നാണ് വിലയിരുത്തല്.
അടുത്തിടെ പുതിയ സേവനങ്ങള് എക്സ് ട്വിറ്റര് എക്സ് പ്ലാറ്റ് ഫോമില് അവതരിപ്പിച്ചിരുന്നു. വലിയ പോസ്റ്റുകള്, യൂട്യൂബിന് സമാനമായി ദൈര്ഘ്യമുള്ള വീഡിയോകള് എന്നിവ പോസ്റ്റ് ചെയ്യാനുള്ള സംവിധാനം ആരംഭിച്ചിരുന്നു. ഇതിന് പിന്നാലെയാണ് ഓഡിയോ-വീഡിയോ കോള് സംവിധാനവും നിലവില് വരുന്നത്.
