സൂപ്പര് താരം ക്രിസ്റ്റ്യാനോ റൊണാള്ഡോ റിയാദിലെത്തി. കുടുംബത്തോടൊപ്പം സ്വകാര്യവിമാനത്തിലാണ് താരം റിയാദിലെത്തിയത്. താരത്തെ വരവേൽക്കാൻ റിയാദിലെ മന്സൂര് പാര്ക്കില് വൻ സ്വീകരണമായിരുന്നു അല് നസര് ക്ലബ്ബും ആരാധകരും ഒരുക്കിയിരുന്നത്.
റിയാദിലെ അൽ നാസറിന്റെ 25,000 പേരെ ഉൾക്കൊള്ളുന്ന ശ്രീസൂൽ പാർക്ക് സ്റ്റേഡിയത്തിൽ ഇന്ന് വൈകീട്ട് 7 മണിക്ക് റൊണാൾഡോ എത്തും. അവിടെ വച്ച് നടക്കുന്ന പരിപാടിയിൽ ക്ലബ് റൊണാൾഡോയെ ഔദ്യോഗികമായി അവതരിപ്പിക്കും. പരിപാടിയുടെ ടിക്കറ്റിന് 15 സൗദി റിയാലാണ് നിരക്ക്. സൗദി സ്പോർട്സ് കമ്പനി പരിപാടി ചാനലിലാണ് സംപ്രേക്ഷണം ചെയ്യുക.
7ാം നമ്പർ ജഴ്സിയാണ് അൽ നസർ ക്ലബ്ബിലും താരം ഉപയോഗിക്കുക. താരത്തിന്റെ അൽ നസറിലെ ജഴ്സിക്ക് സൗദിയിൽ വൻ ഡിമാൻഡാണ്. 300 സൗദി അറേബ്യ റിയാലാണ് ഔദ്യോഗിക ജഴ്സിയുടെ വില. 2030ൽ ലോകകപ്പിന് ആതിഥേയത്വം വഹിക്കാനുള്ള സൗദിയുടെ ശ്രമങ്ങൾക്ക് അല് നസര് ക്ലബ്ബ് ഊർജമേകുമെന്നാണ് പ്രതീക്ഷ.
