ഇന്ത്യൻ സമ്പദ്വ്യവസ്ഥയുടെ വളരെ നല്ല സുഹൃത്തും ശക്തനുമായ രാകേഷ് ജുൻജുൻവാലയുടെ ആകസ്മികമായ വിയോഗത്തിൽ എം എ യൂസഫലി അനുശോചനം രേഖപ്പെടുത്തി. ഇന്ത്യൻ സാമ്പത്തിക മേഖലയുടെ ശക്തിയിൽ ഉറച്ചു വിശ്വസിച്ചിരുന്ന അദ്ദേഹം ദശലക്ഷക്കണക്കിന് ആളുകൾക്ക് നിക്ഷേപം നടത്താൻ എപ്പോഴും മാതൃകയായി. ദർശനപരമായ നിക്ഷേപ ആശയങ്ങൾക്ക് പേരുകേട്ട അദ്ദേഹത്തിന്റെ വേർപാട് തീരാ നഷ്ടമാണെന്നും അനുശോചന കുറിപ്പിൽ എം എ യൂസഫലി പറഞ്ഞു.
ഇന്ത്യന് ഓഹരി നിക്ഷേപകരിലെ പ്രമുഖനും ശതകോടീശ്വരനുമായ രാകേഷ് ജുന്ജുന്വാല ഇന്ന് പുലര്ച്ചെയായിരുന്നു മരണപ്പെട്ടത്. 62 വയസായിരുന്നു. ഇന്ത്യയിലെ സമ്പന്നരില് 38ാം സ്ഥാനത്തുള്ള രാകേഷിന് 3.2 ബില്യണ് അമേരിക്കന് ഡോളറാണ് ആസ്തി. ആകാശ എയര് വിമാനക്കമ്പനിക്ക് തുടക്കം കുറിച്ചാണ് രാകേഷ് ജുന്ജുന്വാല വിടവാങ്ങിയത്.
