ഉദയനിധി സ്റ്റാലിന്റെ പരാമര്‍ശങ്ങള്‍ വിവാദമായതിന് പിന്നാലെ അതേ പരിപാടിയില്‍ പുറത്തിറക്കിയ പുസ്തകത്തിനെതിരെ പ്രതിഷേധവുമായി ഹിന്ദുത്വ സംഘടനകള്‍. തമിഴ്‌നാട് പ്രോഗ്രസീവ് റൈറ്റേഴ്‌സ് ആര്‍ട്ിസ്റ്റ്‌സ് അസോസിയേഷന്‍ സമ്മേളനത്തില്‍ ഈ മാസം രണ്ടിന് പുറത്തിറക്കിയ പുസ്തകമാണ് വിവാദമായത്.
ഇന്ത്യന്‍ സ്വാതന്ത്ര്യ സമരത്തില്‍ ആര്‍എസ്എസിന്റെ സംഭാവന എന്ന പേരിലുള്ള പുസ്തകത്തില്‍ ഒരാള്‍ ബൂട്ട് നക്കുന്നതും തോക്ക് ചൂണ്ടുന്നതും മാത്രമാണ് പുസ്തകത്തിലുള്ളത്. നിരവധി പേജുകളുള്ള പുസ്തകത്തില്‍ ഈ ചിത്രങ്ങള്‍ മാത്രമാണ് ഉള്‍പ്പെടുത്തിയിരിക്കുന്നത്. ബാക്കി പേജുകള്‍ ശൂന്യമാണ്.
தமிழ்நாடு முற்போக்கு எழுத்தாளர் கலைஞர்கள் சங்கத்தின் சனாதன ஒழிப்பு மாநாட்டில் இன்று கலந்து கொண்ட போது, இந்திய விடுதலைப் போரில் ஆர்.எஸ்.எஸின் பங்களிப்பு என்ற புத்தகத்தை வெளியிடக் கேட்டுக் கொண்டார்கள்.
விடுதலைப் போரில் ஆர்.எஸ்.எஸ் எந்த பங்களிப்பும் செய்யாத நிலையில், மிகப்பெரிய… pic.twitter.com/KufIdPeNvh
— Udhay (@Udhaystalin) September 2, 2023
ഇന്ത്യന്‍ സ്വാതന്ത്ര്യ സമരത്തിന് ആര്‍എസ്എസ് ഒരു സംഭാവനയും നല്‍കിയിട്ടില്ലെന്ന് സൂചിപ്പിക്കുന്നതാണ് ശൂന്യമായ പേജുകള്‍. തോക്ക് സൂചിപ്പിക്കുന്നത് ഗാന്ധിജിയെ കൊലപ്പെടുത്തിയ നാഥൂറാം വിനായക ഗോഡ്‌സെയെയുമാണെന്നുമാണ് പുസ്തകത്തിന് പിന്നിലെ അണിയറപ്രവര്‍ത്തകര്‍ പറയുന്നത്.
എന്നാല്‍ ഇതിന് പിന്നാലെ പ്രതിഷേധവുമായി രംഗത്തെത്തിയിരിക്കുകയാണ് ബിജെപി, സംഘപരിവാര്‍ സംഘടനകള്‍.
ഡെങ്കിപ്പനി, കൊതുകുകള്‍, മലേറിയ, കൊറോണ വൈറസ് എന്നിവയെ പോലെ സനാതന ധര്‍മത്തെയും ഉന്മൂലനം ചെയ്യണമെന്നായിരുന്നു ഇതേ ചടങ്ങില്‍ പങ്കെടുത്ത് തമിഴ്‌നാട് മന്ത്രി ഉദയനിധി സ്റ്റാലിന്‍ പറഞ്ഞത്.
