ലോകത്തിന് മുമ്പിൽ തലയുയർത്തി നിൽക്കുന്ന ദുബായിക്ക് അഭിമാനമാകാൻ വമ്പൻ പദ്ധതിയൊരുങ്ങുന്നു. ചന്ദ്രാകൃതിയിലുള്ള ഡെസ്റ്റിനേഷൻ റിസോർട്ടാണ് ദുബായിൽ നിർമിക്കുന്നത്. കനേഡിയൻ ആർക്കിടെക്ചറൽ കമ്പനിയായ മൂൺ വേൾഡ് റിസോർട്ട്സാണ് പദ്ധതി രൂപകല്പന ചെയ്തത്. 5 ബില്യൺ ഡോളറാണ് ഈ മൂൺ റിസോർട്ടിന്റെ നിർമാണ് ചിലവ്.
735 അടി ഉയരമുള്ള റിസോർട്ടിന്റെ നിർമാണം 48 മാസത്തിനുള്ളിൽ പൂർത്തിയാക്കുന്ന വിധത്തിലാണ് പദ്ധതി രൂപകൽപ്പന ചെയ്തിരിക്കുന്നത്. പ്രതിവർഷം 2.5 ദശലക്ഷം അതിഥികളെ കൊണ്ടുവരികയാണ് ലക്ഷ്യം. ഒരു വെൽനസ് സെന്റർ, നിശാക്ലബ്, ബഹിരാകാശ ടൂറിസം, ഹോസ്പിറ്റാലിറ്റി, സാങ്കേതികവിദ്യ എന്നിവയുൾപ്പെടെയുള്ള വിവിധ മേഖലകളിലൂടെ എമിറേറ്റിലെ സമ്പദ്വ്യവസ്ഥ വർദ്ധിപ്പിക്കാൻ ചന്ദ്രൻ ഒരുങ്ങുകയാണ്.
ബഹിരാകാശ വിനോദസഞ്ചാരികളെ ലക്ഷ്യം വെച്ചുകൊണ്ട് 10 ഏക്കർ സ്ഥലത്ത് “ചന്ദ്ര കോളനി”യും ഒരുക്കുന്നുണ്ട്. ഇവിടെ വിവിധ ബഹിരാകാശ ഏജൻസികൾക്കും അതത് ബഹിരാകാശയാത്രികർക്കും വേണ്ടിയുള്ള പരിശീലന പ്ലാറ്റ്ഫോമും ഉണ്ടാവും. കൂടാതെ 300 സ്വകാര്യ റെസിഡൻഷ്യൽ യൂണിറ്റുകളുള്ള സ്കൈ വില്ലകളും റിസോർട്ടിലുണ്ട്. ഇത് വാങ്ങുന്ന ഉടമകൾക്ക് റിസോർട്ടിലെ എക്സ്ക്ലൂസീവ് പ്രൈവറ്റ് ക്ലബ്ബിലും അംഗത്വം നൽകുമെന്നും അധികൃതർ പറഞ്ഞു.
