ആളൂര്‍ വെള്ളാഞ്ചിറയില്‍ കോഴിഫാമിന്റെ മറവില്‍ വന്‍ വ്യാജമദ്യ നിര്‍മാണ കേന്ദ്രം. സംഭവത്തില്‍ കോഴിഫാം നടത്തിയിരുന്ന ബിജെപി മുന്‍ പഞ്ചായത്ത് അംഗവും നാടക നടനുമായ ലാലു പീണിക്കപറമ്പിലിനെയും ഒപ്പമുണ്ടായിരുന്ന കൂട്ടാളിയെയും അറസ്റ്റ് ചെയ്തു.
ഇവിടെ നിന്ന് 15,000 കുപ്പി വ്യാജ വിദേശ മദ്യവും 2500 ലിറ്റര്‍ സ്പിരിറ്റുമാണ് കണ്ടെത്തിയത്. ലാലുവിനൊപ്പം കട്ടപ്പന സ്വദേശി ലോറന്‍സ് ആണ് അറസ്റ്റിലായത്. ലാലുവിന്റെ ഫാമില്‍ നിന്നാണ് വ്യാജമദ്യവും സ്പിരിറ്റും കണ്ടെടുത്തതെന്ന് ആളൂര്‍ പൊലീസ് പറഞ്ഞു. ചാലക്കുടി ഡിവൈഎസ്പി സ്‌ക്വാഡാണ് പിടികൂടിയത്.
