ഖത്തറിൽ നടക്കാനിരിക്കുന്ന ഫിഫ വേൾഡ് കപ്പിൽ പങ്കെടുക്കുന്ന സൗദി ടീമിനെ പ്രഖ്യാപിച്ചു. ടീമിൻ്റെ പരിശീലകനായ ഹെർവ് റെനാർഡാണ് 26 പേരടങ്ങുന്ന പട്ടിക പ്രഖ്യാപിച്ചത്.
മുഹമ്മദ് അൽ ഒവൈസ്, മുഹമ്മദ് അൽ യാമി, നവാഫ് അൽ അഖിദി, യാസർ അൽ ഷഹ്റാനി, അലി അൽ ബിലാഹി,സുൽത്താൻ അൽ ഗന്നം, അബ്ദുൽ ഇലാഹ് അൽ ഒമരി, അബ്ദുല്ല മഡോ, ഹസൻ അൽ ടിംബുക്തി, സൗദ് അബ്ദുൽ ഹമീദ്, മുഹമ്മദ് കനോ, മുഹമ്മദ് അൽ ബുറൈക്, റിയാദ് ഷറാഹിലി, അലി അൽ ഹസ്സൻ, , അബ്ദുൽ ഇലാഹ് അൽ മാലികി, അബ്ദുല്ല ആതിഫ്, റിയാദ് ഷറാഹിലി, അബ്ദുൽ റഹ്മാൻ അൽ അബൗദ്, സൽമാൻ അൽ ഫറജ്, നാസർ അൽ ദോസരി, സേലം അൽ ദോസരി, ഹൈതം അസിരി, ഫഹദ് അൽ മൗലിദ്, ഹത്തൻ ബഹ്ബ്രി, സാലിഹ് അൽ ഷെഹ്രി, ഫിറാസ് അൽ ബ്രൈക്കൻ എന്നിവരാണ് ഈ പട്ടികയിലുള്ള താരങ്ങൾ.
അതേസമയം നവാഫ് അൽ അബേദ്, അബ്ദുല്ല അൽ ഹംദാൻ, അഹമ്മദ് ബമസൗദ്, സക്കറിയ ഹവ്സാവി, അമിൻ ബുഖാരി, അബ്ദുല്ല റാദിഫ്, അയ്മൻ യഹ്യ എന്നിവരെ ടീമിൽ നിന്നും ഒഴിവാക്കി. പരിക്കേറ്റ ഗോൾകീപ്പർ ഫവാസ് അൽ ഖർനിക്ക് പകരം ഗോൾകീപ്പർ അമിൻ ബുഖാരിയെയാണ് ടീമിൽ ഉൾപ്പെടുത്തിയിട്ടുള്ളത്. നേരത്തേ 32 കളിക്കാരുടെ പ്രാഥമിക പട്ടികയിൽ നിന്നാണ് 26 പേരുടെ പേരുകൾ പ്രഖ്യാപിച്ചത്.
നോർത്ത് മാസിഡോണിയ, ഹോണ്ടുറാസ്, അൽബേനിയ, ഐസ്ലാൻഡ്, പനാമ എന്നിവയ്ക്കെതിരെ സൗദി ടീം നേരത്തേ അഞ്ച് സൗഹൃദ മത്സരങ്ങൾ കളിച്ചിരുന്നു. അതേസമയം ലോകകപ്പിന് മുമ്പുള്ള സൗഹൃദ മത്സരങ്ങളിൽ അവസാനത്തേതായ മത്സരം ക്രൊയേഷ്യയ്ക്കെതിരെയാണ്. ഈ മത്സരം നവംബർ 16 ന് റിയാദിൽ നടക്കും. നവംബർ 22 ന് ലോകകപ്പ് മത്സരത്തിൽ അർജന്റീനയുമായും 26 ന് പോളണ്ടുമായും 30 ന് മെക്സിക്കോയുമായുമാണ് സൗദി അറേബ്യ ഏറ്റുമുട്ടുന്നത്
