റിയാദിലെ ഇന്ത്യൻ ഫുട്ബോൾ അസോസിയേഷൻ (RIFA) സംഘടിപ്പിക്കുന്ന റിഫ മെഗാ കപ്പ് സീസൺ 2 മത്സരത്തിന് ഈ മാസം 11 ന് തുടക്കമാവും. നാല് ദിവസം നീണ്ടു നിൽക്കുന്ന മത്സരത്തിന്റെ ട്രോഫി ലോഞ്ച് റിയാദിലെ മലസിൽ വച്ച് നടന്നു.
അസ്കാൻ സ്റ്റേഡിയത്തിൽ വച്ച് നടക്കുന്ന മത്സരത്തിൽ സൗദിയിലെ 32 ടീമുകളായിരിക്കും മത്സരിക്കുക. മത്സരിക്കുന്ന ടീമുകളുടെ ക്രമവിവര പട്ടിക വേദിയിൽ പ്രദർശിപ്പിക്കുകയും ടീമുകൾക്ക് വേണ്ട നിർദ്ദേശങ്ങളും നൽകി.
റിയാദിലെ ഇന്ത്യൻ ഫുട്ബോൾ ക്ലബ്ബ്കളുടെ കൂട്ടായ്മയാണ് റിഫ. മൂന്ന് മാസം നീണ്ടു നിൽക്കുന്ന ലീഗ് മത്സരങ്ങൾക്ക് മുന്നോടിയായാണ് മെഗാ കപ്പ് സീസൺ മത്സരം സംഘടിപ്പിക്കുന്നത്. റിഫ പ്രസിഡന്റ് ബഷീർ ചെലേമ്പ്ര, ശിഹാബ് കൊട്ടുകാട്, ഉനൈസ് വാഴക്കാട്, കുട്ടൻ ബാബു, മുസ്തഫ മമ്പാട്, ഷെരീഫ് കാളികാവ് എന്നിവർ പരിപാടിയിൽ സംസാരിച്ചു.
