തിരുവന്തപുരം: കേരളാ ബാങ്കിനെ സി ക്ലാസിലേക്ക് തരംതാഴ്ത്തി റിസർവ് ബാങ്ക്. വായ്പാ വിതരണത്തിലടക്കം നിയനന്ത്രണമുണ്ടാകും. കേരള ബാങ്കിന് ഇനി 25 ലക്ഷത്തിന് മുകളിൽ വ്യക്തിഗത വായ്പ നൽകാനാവില്ല. നൽകിയ വായ്പകൾ ഘട്ടം ഘട്ടമായി തിരിച്ച് പിടിക്കണമെന്നും നിര്ദ്ദേശമുണ്ട്.
വായ്പ നിയന്ത്രണത്തിൽ വിവിധ ശാഖകൾക്ക് കേരളാ ബാങ്ക് കത്തയച്ചു. നബാര്ഡിൻ്റെ റിപ്പോര്ട്ടിൻ്റെ അടിസ്ഥാനത്തിലാണ് റിസര്വ് ബാങ്കിന്റെ നടപടി.രണ്ട് ലക്ഷത്തിൽ അധികം വരുന്ന സ്വര്ണ്ണ പണയത്തിൻ മേൽ ഒറ്റയടിക്ക് തിരിച്ചടവ് പാടില്ലെന്ന വ്യവസ്ഥ ലംഘിച്ചതിന് നേരത്തെ റിസര്വ്വ് ബാങ്ക് കേരളാ ബാങ്കിന് പിഴയിട്ടിരുന്നു.
ഇടപാടിൽ 80 ശതമാനം വ്യക്തിഗത വായ്പകളാണെന്നിരിക്കെ റിസര്വ്വ് ബാങ്ക് തീരുമാനം കേരളാ ബാങ്കിന് വലിയ തിരിച്ചടിയാണ്.
