ചരിത്രം തിരുത്തിയ വിദ്യാർഥി പങ്കാളിത്തത്തോടെ ഏഷ്യനെറ്റ് ന്യൂസ് പ്രൗഡ് ടൂ ബീ ആൻ ഇന്ത്യൻ പന്ത്രണ്ടാം സീസണിൻ്റെ പ്രവേശന പരീക്ഷ നാളെ നടക്കും. അജ്മാനിലെ കോസ്മോപൊളിറ്റൻ ഇന്റർനാഷണൽ ഇന്ത്യൻ സ്കൂളിൽ നടക്കുന്ന പരീക്ഷയ്ക്കുള്ള ഒരുക്കങ്ങളെല്ലാം ഇതിനോടകം പൂർത്തിയായി കഴിഞ്ഞു. അയ്യായിരത്തോളം വിദ്യാർത്ഥികളാണ് ഇന്ത്യയെ തൊട്ടറിയാൻ അവസരമൊരുക്കുന്ന മത്സര പരീക്ഷയ്ക്ക് രജിസ്റ്റർ ചെയ്തിരിക്കുന്നത്.
രാവിലെ ഒൻപത് മണിക്ക് തുടങ്ങുന്ന മത്സര പരീക്ഷയും പിന്നാലെ നടക്കുന്ന അഭിമുഖ പരീക്ഷയും… രണ്ടിലും വിദ്യാർഥികൾ പങ്കെടുക്കണം.
ബാംഗ്ലൂർ ക്രൈസ്റ്റ് യൂണിവേഴ്സിറ്റിയിലെ വിദ്ഗ്ധർ നടത്തുന്ന അഭിമുഖ പരീക്ഷ കഴിഞ്ഞ് ഒരു മണിക്കൂറിനുള്ളിൽ തന്നെ സ്വപ്നയാത്രയിലേക്ക് ടിക്കറ്റ് കിട്ടിയ വിദ്യാർഥികൾ ആരെല്ലാം എന്ന പ്രഖ്യാപനമുണ്ടാവും
പരീക്ഷയ്ക്കുള്ള ഹാൾ ടിക്കറ്റുകൾ ഇമെയിലിൽ ലഭിക്കും. ptbi.in വെബ്സൈറ്റിൽ നിന്നും ഡൗൺലോഡ് ചെയ്യാനും സൗകര്യമൊരുക്കിയിട്ടുണ്ട്.
