പ്രഭാസിനെ കേന്ദ്ര കഥാപാത്രമാക്കി മാരുതി സംവിധാനം ചെയ്യുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. രാജാസാബ് എന്നാണ് ചിത്രത്തിന്റെ പേര്. പൊങ്കല്, സംക്രാന്തി ഉത്സവ ദിനത്തിലാണ് പ്രഭാസിന്റെ പുതിയ ചിത്രത്തിന്റെ ഫസ്റ്റ് ലുക്ക് പ്രേക്ഷകരിലേക്ക് എത്തിയിരിക്കുന്നത്.
ഒരു തെരുവീഥിയില് പടക്കം പൊട്ടുന്ന വര്ണാഭമായ പശ്ചാത്തലത്തില് കറുത്ത ഷര്ട്ടും വര്ണാഭമായ ധോത്തിയും ധരിച്ച് നടന്ന് വരുന്ന പ്രഭാസാണ് ഫസ്റ്റ് ലുക്കിലുള്ളത്.
പീപ്പിള് മീഡിയ ഫാക്ടറിയുടെ ബാനറില് ടി.ജി.വിശ്വപ്രസാദാണ് ചിത്രം നിര്മ്മിക്കുന്നത്. വിവേക് കുച്ചിബോട്ലയാണ് ചിത്രത്തിന്റെ സഹനിര്മ്മാണം. തമന് എസ് ആണ് സംഗീതസംവിധായകന്.
‘രാജാ സാബ് ഇന്നുവരെയുള്ള എന്റെ ഏറ്റവും വലിയ പ്രോജക്റ്റുകളില് ഒന്നാണ്. പ്രഭാസുമായും പീപ്പിള് മീഡിയ ഫാക്ടറിയുമായും സഹകരിക്കുന്നത് ഒരു ചലച്ചിത്രകാരന് എന്ന നിലയില് എനിക്ക് അഭിമാനവും ആവേശവുമാണ്. ഞങ്ങളുടെ പ്രേക്ഷകര്ക്ക് ഒരു ഗംഭീരമായ ഹൊറര് അനുഭവം നല്കാന് ഞങ്ങള് തയ്യാറാണ്. ഞങ്ങളുടെ ഹൊറര് ആഖ്യാനത്തില് പ്രഭാസിന്റെ ഇലക്ട്രിഫൈയിംഗ് സ്ക്രീന് സാന്നിധ്യം പ്രേക്ഷകരെ അമ്പരപ്പിക്കുമെന്ന് ഉറപ്പാണ്’ എന്നാണ് മാരുതി ചിത്രത്തെ കുറിച്ച് പറഞ്ഞത്.
നിര്മ്മാതാവായ ടിജി വിശ്വ പ്രസാദ് ചിത്രത്തെ കുറിച്ച് പറഞ്ഞത് ഇപ്രകാരമാണ് , ”ഞങ്ങളുടെ വരാനിരിക്കുന്ന റൊമാന്റിക് ഹൊറര് എന്റര്ടെയ്നറായ ‘ദി രാജാ സാബില് പ്രഭാസിനെ ഉള്പ്പെടുത്തിയതില് ഞങ്ങള് ത്രില്ലിലാണ്. ഒരു അഭിനേതാവ് എന്ന നിലയില് മികച്ച ശ്രേണിയില് പ്രേക്ഷകര് ഇഷ്ടപ്പെടുന്ന ഒരു ഇന്ത്യന് താരമാണ് അദ്ദേഹം, ആ കഥാപാത്രത്തിന് ഏറ്റവും അനുയോജ്യനാണ് അദ്ദേഹം എന്ന് ഞങ്ങള് വിശ്വസിക്കുന്നു. പ്രേക്ഷകര് ഏറെ നാളായി കൊതിച്ച മാസ്സിയും വിന്റേജ് ലുക്കിലും അദ്ദേഹത്തെ കാണുമെന്ന് പ്രതീക്ഷിക്കാം. മാരുതിയുടെ ചലച്ചിത്രനിര്മ്മാണ മികവിനൊപ്പം, ഈ യാത്ര ആരംഭിക്കാന് ഞങ്ങള് ശരിക്കും കാത്തിരിക്കുകയാണ്.’
തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് രാജാ സാബ് റിലീസ് ചെയ്യുന്നത്. പി ആര് ഓ പ്രതീഷ് ശേഖര്.
Maaaaaaaaassssss !! With My Darlinggggggg ❤️#Prabhas𓃵 Anna & @DirectorMaruthi
With this lovely team @peoplemediafcy @vishwaprasadtg ✨💥💥💥💥💥💥 pic.twitter.com/RvO0NAa9bH
— thaman S (@MusicThaman) January 15, 2024
