ഡൽഹി: പ്രശസ്ത സാഹിത്യകാരനും നാടക പ്രവർത്തകനുമായ ഓംചേരി എൻ എൻ പിളള അന്തരിച്ചു.നൂറ്റി ഒന്ന് വയസായിരുന്നു.വാര്ധക്യസഹജമായ അസുഖത്തെ തുടര്ന്ന് ചികിത്സയിരിക്കെ ഡല്ഹിയിലെ സെന്റ് സ്റ്റീഫന്സ് ആശുപത്രിയിലാണ് അന്ത്യം. ഒൻപത് മുഴുനീള നാടകങ്ങളും എൺപതിലേറെ ഏകാങ്ക നാടകങ്ങള്ളും രചിച്ചിട്ടുണ്ട്.1924 ല് വൈക്കം ഓംചേരി വീട്ടില് നാരായണ പിള്ളയുടെയും പാപ്പിക്കുട്ടിയമ്മയുടെയും മകനായി ജനിച്ച് തിരുവന്തപുരം യൂണിവേഴ്സിറ്റി കോളേജില് പഠനം പൂര്ത്തിയാക്കി.
ആദ്യകാലത്ത് കവിത രചനയായിരുന്നെങ്കില് പിന്നീട് നാടകത്തിലേക്ക് തിരിഞ്ഞു. 1951-ല് ഡല്ഹി ആകാശവാണിയില് മലയാളം വാര്ത്താ വിഭാഗത്തില് ജീവനക്കാരനായി ഡല്ഹിയില് എത്തി. 1963-ല് എക്സിപിരിമെന്റല് തീയറ്റര് രൂപീകരിച്ചു. ‘ചെരിപ്പു കടിക്കില്ല’ എന്ന നാടകത്തില് നടന് മധുവും അഭിനയിച്ചിരുന്നു.. 1972 ല് ‘പ്രളയം’ എന്ന നാടകത്തിന് കേരള സാഹിത്യ അക്കാദമി പുരസ്ക്കാരവും സാഹിത്യ പ്രവര്ത്തക സഹകരണ സംഘം പുരസ്ക്കാരവും ലഭിച്ചു. 2010 ലാണ് സമഗ്ര സംഭാവനയ്ക്കുള്ള കേന്ദ്ര സാഹിത്യ അക്കാദമി പുരസ്ക്കാരം ലഭിച്ചത്.
കേരള സംഗീത നാടക അക്കാദമി പ്രവാസി കലാരത്നാ അവാര്ഡ് (2012), നാട്യഗൃഹ അവാര്ഡ് (2014), കേരള സര്ക്കാരിന്റെ രണ്ടാമത്തെ പരമോന്നത ബഹുമതിയായ പ്രഥമ കേരള പ്രഭാ പുരസ്കാരം (2022) എന്നിവ ലഭിച്ചിട്ടുണ്ട്.
