ദുബായ് – ഷാർജ റോഡിലെ ട്രാഫിക് പ്രശ്നത്തിന് പരിഹാരവുമായി ആർടിഎ. അൽ ഇത്തിഹാദ് റോഡിലെ ട്രാഫിക് മെച്ചപ്പെടുത്തൽ പദ്ധതി പൂർത്തീകരിച്ചതായി ആർടിഎ വ്യക്തമാക്കി. ദുബായിൽ നിന്ന് ഷാർജയിലേക്ക് ദൈനംദിന യാത്ര ചെയ്തിരുന്നവരുടെ ഏറെ നാളായുള്ള പ്രശ്നത്തിനാണ് ഇതുവഴി പരിഹാരമാകുന്നത്.പദ്ധതി നടപ്പാകുന്നതോടെ ഷാർജയിലേക്കുള്ള യാത്രക്കാരുടെ എണ്ണം വർധിക്കുമെന്നും റോഡ് ഗതാഗതം കൂടുതൽ സുഗമമാകുമെന്നുമാണ് പ്രതീക്ഷ.
The RTA completed a traffic improvement project on Al Ittihad Street to increase capacity for Dubai to Sharjah commuters. This involved adding a 600-meter lane and modifying service road sidewalks, along with adding parking spaces to further augment the overall traffic experience pic.twitter.com/kLKxfvD0w7
— هيئة الطرق و المواصلات في الشارقة (@RTA_Shj) May 29, 2023
600 മീറ്റർ അധികപാതയാണ് ഖുലാഫ അൽ റാഷിദീൻ പാലവുമായി ബന്ധിപ്പിച്ചിരിക്കുന്നത്. അൽഖാനിലേക്കുള്ള എക്സിറ്റ് എടുക്കാനും അധികപാത ഉപയോഗപ്പെടുത്താം. മലയാളികളടക്കമുള്ള നിരവധി പ്രവാസികൾക്കാണ് പദ്ധതിയുടെ ഗുണം ലഭിക്കുക. തിരക്കേറിയ സമയങ്ങളിൽ മണിക്കൂറുകളായിരുന്നു യാത്രക്കാർക്ക് വഴിയിയിൽ ചെലവഴിക്കേണ്ടി വന്നിരുന്നത്. യാത്രക്കാരുടെ അടിസ്ഥാന ആവശ്യങ്ങൾ പരിഗണിക്കുന്നതിന്റെ ഭാഗമായാണ് പദ്ധതി നടപ്പാക്കിയിരിക്കുന്നത്.
