ഭിന്നഭാഷകള് സംസാരിക്കുമെങ്കിലും വികാരം ഒന്നാണന്ന് നടന് നാനാ പടേക്കര്. രാജ്യാന്തര ചലച്ചിത്ര മേളയുടെ ഉദ്ഘാടന ചടങ്ങിലാണ് അദ്ദേഹം ഇക്കാര്യം പറഞ്ഞത്. ‘മഹാരാഷ്ട്രയില് നിന്ന് കേരളത്തില് വന്ന് ഞാന് സംസാരിക്കുന്ന ഭാഷയില് വ്യത്യാസം ഉണ്ട്. എങ്കിലും പറയുന്ന കാര്യം വ്യത്യസ്ഥമല്ല’, എന്നും നാനാ പടേക്കര് പറഞ്ഞു.
‘മലയാള സിനിമയിലേക്ക് എന്നെ ആരും ഇത് വരെ ക്ഷണിച്ചിട്ടില്ല. ആ പ്രതീക്ഷ ഉടന് നിറവേറ്റാന് ആകുമെന്നാണ് കരുതുന്നത്. ചലച്ചിത്ര അക്കാദമി ചെയര്മാന് രഞ്ജിത്തും അടൂര് ?ഗോപാലകൃഷ്ണനും അവരുടെ ചിത്രത്തിലെ റോള് വാ?ഗ്ദാനം ചെയ്തിട്ടു’ണ്ടെന്നും നാനാ പടേക്കര് കൂട്ടിച്ചേര്ത്തു.
അതേസമയം ഉദ്ഘാടന ചടങ്ങില് വെച്ച് കെനിയന് സംവിധായിക വനൂരി കഹിയുവിനു മേയര് ആര്യ രാജേന്ദ്രന് സ്പിരിറ്റ് ഓഫ് സിനിമ പുരസ്കാരം സമ്മാനിച്ചു. സാംസ്കാരിക വകുപ്പ് മന്ത്രി സജി ചെറിയാന് അധ്യക്ഷനായ ചടങ്ങില് ഫെസ്റ്റിവല് ക്യൂറേറ്റര് ഗോള്ഡ സെല്ലം പാക്കേജുകള് പരിചയപ്പെടുത്തി.
സാംസ്കാരിക വകുപ്പ് സെക്രട്ടറി മിനി ആന്റണി, വി കെ പ്രശാന്ത് എം ല് എ, ജില്ലാ പഞ്ചായത്ത് പ്രസിഡന്റ് അഡ്വ. ഡി സുരേഷ്കുമാര്, അന്താരാഷ്ട്ര മത്സര വിഭാഗം ജൂറി ചെയര്പേഴ്സണ് റീത്ത അസെവേദോ ഗോമസ്, ഓസ്കാര് ജേതാവ് റസൂല് പൂക്കുട്ടി, ചലച്ചിത്ര അക്കാദമി ചെയര്മാന് രഞ്ജിത്, സാംസ്കാരിക പ്രവര്ത്തക ക്ഷേമനിധിബോര്ഡ് ചെയര്മാന് മധുപാല്, അക്കാദമി വൈസ് ചെയര്മാന് പ്രേംകുമാര് സാംസ്കാരിക വകുപ്പ് സെക്രട്ടറി മിനി ആന്റണി ഐ എ എസ്, സെക്രട്ടറി സി. അജോയ്, സാംസ്കാരിക വകുപ്പ് ഡയറക്ടര് എന് മായ ഐ എഫ് എസ് തുടങ്ങിയവരും പങ്കെടുത്തു.
