ഡൊണാള്‍ഡ് ട്രംപിന്റെ ട്വിറ്റര്‍ അക്കൗണ്ട് പുനഃസ്ഥാപിക്കുമെന്ന് പ്രഖ്യാപിച്ച് ഇലോണ്‍ മസ്‌ക്. 2021ലെ യുഎസ് കാപ്പിറ്റോള്‍ ആക്രമണത്തിന് ട്വിറ്ററിലൂടെ ട്രംപ് ആഹ്വാനം നല്‍കിയെന്നാരോപിച്ചായിരുന്നു അക്കൗണ്ട് ട്വിറ്റര്‍ മരവിപ്പിച്ചത്. ട്വിറ്റര്‍ യൂസര്‍ക്കിടയില്‍ നടത്തിയ വോട്ടെടുപ്പിന്റെ അടിസ്ഥാനത്തിലാണ് ട്രംപിന്റെ ട്വിറ്റര്‍ അക്കൗണ്ട് പുനഃസ്ഥാപിക്കാനുളള നടപടിയെന്ന് മസ്‌ക് അറിയിച്ചു.
മസ്‌ക് സ്വന്തം അക്കൗണ്ടിലൂടെ ട്രംപിനെ തിരിച്ചെടുക്കണോ എന്ന് ചോദിച്ചുകൊണ്ടായിരുന്നു വോട്ടെടുപ്പ് നടത്തിയത്. ഇതില്‍ 51.8 ശതമാനം പേര്‍ ട്രംപിന്റെ തിരിച്ച് വരവിനെ അനുകൂലിക്കുകയും 48.2 ശതമാനം പേര്‍ എതിര്‍ക്കുകയും ചെയ്തു. 1.5 കോടി ജനങ്ങളാണ് വോട്ടെടുപ്പില്‍ അഭിപ്രായം രേഖപ്പെടുത്തിയത്. തുടര്‍ന്ന് ട്രംപിനെ തിരികെ കൊണ്ടുവരുന്നതായി മസ്‌ക് പ്രഖ്യാപനം നടത്തുകയായിരുന്നു.
Reinstate former President Trump
— Elon Musk (@elonmusk) November 19, 2022
