കോടിയേരി ബാലകൃഷ്ണന്റെ മൃതദേഹവുമായി വിലാപയാത്ര തലശ്ശേരിയിലേക്ക് പുറപ്പെട്ടു. ആംബുലൻസിനെ അനുഗമിച്ച് വാഹനങ്ങളും നൂറുകണക്കിന് പ്രവർത്തകരും തലശ്ശേരിയിലേക്കുള്ള വിലാപയാത്രയിൽ പങ്കെടുക്കുന്നുണ്ട്. പ്രിയ നേതാവിനെ അവസാനമായി ഒരു നോക്ക് കാണുന്നതിന് ആയിരങ്ങളാണ് കണ്ണൂരിലേക്ക് ഒഴുകിയെത്തുന്നത്.
മട്ടന്നൂര് മുതല് തലശേരി വരെ 14 കേന്ദ്രങ്ങളില് വിലാപയാത്ര കടന്നു പോകും. പ്രിയ സഖാവിന് അന്ത്യാഞ്ജലി അർപ്പിക്കാൻ ആയിരങ്ങളാണ് വിവധ കേന്ദ്രങ്ങളിൽ കാത്തുനിൽക്കുന്നത്. വിപാലയാത്ര മട്ടന്നൂര് ടൗണ്, നെല്ലൂന്നി, ഉരുവച്ചാല്, നീര്വേലി, മൂന്നാംപിടിക, തൊക്കിലങ്ങാടി, കൂത്തുപറമ്പ്, പൂക്കോട്, കോട്ടയംപൊയില്, ആറാം മൈല്, വേറ്റുമ്മല്, കതിരൂര്, പൊന്ന്യം സ്രാമ്പി, ചുങ്കം എന്നിവിടങ്ങളിൽ നിർത്തും. തുടര്ന്ന് ഇന്ന് മുഴുവന് തലശ്ശേരി ടൗണ് ഹാളില് പൊതുദര്ശനത്തിന് വെക്കും.
തിങ്കളാഴ്ച രാവിലെ 10 മണി മുതല് മാടപ്പീടികയില് അദ്ദേഹത്തിന്റെ വീട്ടിലും 11 മണി മുതല് കണ്ണൂര് ജില്ലാ കമ്മിറ്റി ഓഫീസിലും പൊതു ദര്ശനമുണ്ടാകും. തിങ്കളാഴ്ച മൂന്ന് മണിക്ക് പയ്യാമ്പലത്ത് സംസ്കാരത്തിനായി വിപുലമായ ഒരുക്കങ്ങളാണ് പാര്ട്ടി പ്രവര്ത്തകര് നടത്തുന്നത്.
ഇന്നും നാളെയും സംസ്ഥാനത്തിന്റെ പല ഭാഗത്ത് നിന്നും പ്രിയ നേതാവിനെ അവസാനമായി ഒരു നോക്കു കാണാന് പാര്ട്ടി പ്രവര്ത്തകര് ഒഴുകിയെത്തും. കോടിയേരിയോടുള്ള ആദരസൂചകമായി നാളെ തലശ്ശേരി, ധര്മ്മടം, കണ്ണൂര് മണ്ഡലങ്ങളില് ഹര്ത്താല് ആചരിക്കും. സംസ്കാരം നാളെ വൈകിട്ട് പയ്യാമ്പലത്ത് മൂന്ന് മണിക്ക് നടക്കും.
