വമ്പൻ തുക സമ്മാനമായി ലഭിക്കുന്ന യുഎഇയുടെ പ്രിയപ്പെട്ട പ്രതിവാര നറുക്കെടുപ്പ് പരിപാടിയായ മഹ്സൂസ് 1,000,000 ദിര്ഹത്തിന്റെ രണ്ടാം വിജയിയെ തെരഞ്ഞെടുത്തു. പുതിയ പരിഷ്കാരങ്ങൾക്ക് ശേഷം ശനിയാഴ്ച നടന്ന 120-ാമത് പ്രതിവാര നറുക്കെടുപ്പിലാണ് വിജയികളെ തെരഞ്ഞെടുത്തത്. ഇപ്പോഴത്തെ സമ്മാനഘടന പ്രകാരം എല്ലാ ആഴ്ചയും ഒരാള്ക്ക് 1,000,000 ദിര്ഹത്തിന്റെ സമ്മാനം ഉറപ്പാണ്. തെരഞ്ഞെടുക്കപ്പെട്ട 1,420 വിജയികള് 1,548,000 ദിര്ഹമാണ് കഴിഞ്ഞ ദിവസം സ്വന്തമാക്കിയത്.
കഴിഞ്ഞ ആഴ്ച 20,000,000 ദിര്ഹത്തിന്റെ ഒന്നാം സമ്മാനത്തിന് ആരും അര്ഹരായില്ലെങ്കിലും നറുക്കെടുത്ത അഞ്ച് സംഖ്യകളില് നാലെണ്ണം യോജിച്ചുവന്ന 27 പേര് 200,000 ദിര്ഹത്തിന്റെ രണ്ടാം സമ്മാനം പങ്കിട്ടെടുത്തു. ഇവര് ഓരോരുത്തര്ക്കും 7,407 ദിര്ഹം വീതം ലഭിച്ചു. അഞ്ച് സംഖ്യകളില് മൂന്നെണ്ണം യോജിച്ചുവന്ന 1,392 പേര് 250 ദിര്ഹം വീതം സ്വന്തമാക്കി. 4, 15, 26, 27, 38 എന്നിവയായിരുന്നു നറുക്കെടുത്ത സംഖ്യകള്.
എല്ലാ ആഴ്ചയും ഒരാള്ക്ക് ഒരു മില്യന് ദിര്ഹത്തിന്റെ ഉറപ്പുള്ള സമ്മാനം നല്കുന്ന മഹ്സൂസിന്റെ പരിഷ്കരിച്ച സമ്മാനഘടന പ്രകാരം 120-ാമത് പ്രതിവാര നറുക്കെടുപ്പില് വിജയിയായതും മറ്റൊരു ഇന്ത്യക്കാരന് തന്നെയായിരുന്നു. 32055231 എന്ന റാഫിള് ഐഡിയിലൂടെ പ്രദീപാണ് ശനിയാഴ്ച രാത്രി 1,000,000 ദിര്ഹം നേടിയത്.
സമ്മാനങ്ങള് കൂടുതല് ആകര്ഷകമായി മാറുമ്പോഴും നറുക്കെടുപ്പില് പങ്കെടുക്കാനുള്ള നിബന്ധനകള് പഴയപടി തന്നെ തുടരും. ശനിയാഴ്ച രാത്രി ഒന്പത് മണിക്ക് നടക്കുന്ന തത്സമയ നറുക്കെടുപ്പുകളിലൂടെ മാത്രമായിരിക്കും വിജയികളെ പ്രഖ്യാപിക്കുക . 35 ദിര്ഹം മുടക്കി മഹ്സൂസിന്റെ ബോട്ടില്ഡ് വാട്ടര് വാങ്ങുന്നവര്ക്ക്, 20,000,000 ദിര്ഹത്തിന്റെ ഒന്നാം സമ്മാനം നല്കുന്ന ഗ്രാന്റ് ഡ്രോയും എല്ലാ ആഴ്ചയിലും ഒരാള്ക്ക് 1,000,000 ദിര്ഹം വീതം നല്കുന്ന പുതിയ റാഫിള് ഡ്രോയും ഉള്പ്പെടുന്ന നറുക്കെടുപ്പുകളില് പങ്കെടുക്കാന് സാധിക്കും. അറബിയില് ‘ഭാഗ്യം’ എന്ന് അര്ത്ഥം വരുന്ന, ജിസിസിയിലെ ആദ്യ പ്രതിവാര തത്സമയ നറുക്കെടുപ്പായ മഹ്സൂസ്, എല്ലാ ആഴ്ചയിലും മില്യന് കണക്കിന് ദിര്ഹത്തിന്റെ സമ്മാനങ്ങള് നല്കി വരുന്നു.
