പലസ്തീനെതിരെ ഇസ്രായേൽ നിരന്തരമായി ആക്രമണം നടത്തുന്നതിൻ്റെ പശ്ചാത്തലത്തിൽ കുവൈറ്റ് വിദേശകാര്യമന്ത്രി ശൈഖ് ഡോ. അഹ്മദ് നാസർ അൽ മുഹമ്മദ് അസ്സബാഹ് പലസ്തീന് പിന്തുണയറിയിച്ചു. പലസ്തീൻ പ്രദേശത്ത് ഇസ്രായേൽ നടത്തുന്ന അധിനിവേശത്തെ ചൂണ്ടിക്കാട്ടിയാണ് വിദേശകാര്യമന്ത്രി പലസ്തീനിൻ്റെ ന്യായമായ ആവശ്യങ്ങൾക്ക് കുവൈറ്റിൻ്റെ പിന്തുണയുണ്ടാവുമെന്ന് പ്രഖ്യാപിച്ചത്.
അറബ് സമാധാന സംരംഭത്തിൻ്റെ 20 ആം വാർഷികത്തോടനുബന്ധിച്ച് സൗദി വിദേശകാര്യ മന്ത്രി ഫൈസൽ ബിൻ ഫർഹാൻ അൽ സൗദ് രാജകുമാരനും അറബ് ലീഗ് സെക്രട്ടറി ജനറൽ അഹ്മദ് അബുലുൻ്റെയും നേതൃത്വത്തിൽ സമ്മേളനം വിളിച്ചുചേർക്കുകയുണ്ടായി. ഈ വേളയിലാണ് അസ്സബാഹ് ഇക്കാര്യം അറിയിച്ചത്. യൂറോപ്യൻ യൂണിയൻ ഉന്നത പ്രതിനിധിയായ ജോസെപ് ബോറെലും പരിപാടിയിൽ സംബന്ധിച്ചു.
