കെ.എസ്.ആര്‍.ടി.സി ബസില്‍ യാത്രക്കാരിയ്ക്ക് നേരെയുണ്ടായ ലൈംഗികാതിക്രമത്തില്‍ കണ്ടക്ടര്‍ അറസ്റ്റില്‍. തിരുവനന്തപുരം-മലപ്പുറം ബസിലെ കണ്ടക്ടറാണ് യുവതിയോട് മോശമായി പെരുമാറിയത്.
ഇന്ന് രാവിലെയാണ് സംഭവം. കഴക്കൂട്ടത്ത് നിന്ന് കയറിയ യുവതെയ കണ്ടക്ടറുടെ സീറ്റില്‍ വിളിച്ചിരുത്തിയാണ് അതിക്രമം നടത്തിയത്. യുവതിയുടെ പരാതിയില്‍ നെയ്യാറ്റിന്‍കര സ്വദേശിയായ കണ്ടക്ടര്‍ ജസ്റ്റിനെ ആലുവയില്‍ വെച്ച് പൊലീസ് കസ്റ്റഡിയില്‍ എടുത്തു.
തിരുവനന്തപുരത്ത് നിന്നും മലപ്പുറത്തേക്ക് പോവുകയായിരുന്ന ബസില്‍ കഴക്കൂട്ടത്ത് നിന്ന് കയറിയ യുവതി ആലുവയിലേക്കാണ് ടിക്കറ്റ് എടുത്തത്. സ്ത്രീ ആദ്യമിരുന്ന സീറ്റ് നേരത്തെ മുന്‍കൂട്ടി ബുക്ക് ചെയ്തതാണെന്ന് പറഞ്ഞ് ഇവരെ മാറ്റി ഇരുത്തുകയായിരുന്നു.
കണ്ടക്ടറുടെ സീറ്റിലേക്ക് മാറ്റി ഇരുത്തുകയായിരുന്നു. തുടര്‍ന്ന് കണ്ടക്ടര്‍ കയറിപിടിച്ചതോടെ യുവതി എതിര്‍ക്കുകയായിരുന്നു. പിന്നാലെ പൊലീസില്‍ വിവരം അറിയിച്ചു. ബസ് ആലുവ സ്റ്റാന്‍ഡില്‍ എത്തിയതിന് പിന്നാലെ പ്രതിയെ കസ്റ്റഡിയില്‍ എ ടുക്കുകയായിരുന്നു.
