അബുദാബി: ഗൾഫ് രാജ്യങ്ങൾക്കെതിരെ ഇറാൻ നടത്തിയ ആക്രമണം അവർക്ക് പറ്റിയ വലിയ പിഴവാണെന്ന് യുഎഇ പ്രസിഡന്റിന്റെ നയതന്ത്ര ഉപദേഷ്ടാവ് ഡോ. അൻവർ ഗർഗാഷ്. സങ്കീർണമായ രാഷ്ട്രീയ സാഹചര്യത്തിൽ എടുത്തുചാടി നടത്തിയ ഗൾഫ് ആക്രമണം അവരെ പശ്ചിമേഷ്യൻ രാഷ്ട്രീയത്തിൽ തന്നെ ഒറ്റപ്പെടുത്തുന്ന ഒരവസ്ഥയാണ് സൃഷ്ടിച്ചതെന്നും അദ്ദേഹം പറഞ്ഞു.
അയൽക്കാരോടല്ല ഇറാൻ യുദ്ധം ചെയ്യേണ്ടത്. പശ്ചിമേഷ്യയുടെ സമാധാനത്തിന് പ്രധാന വെല്ലുവിളി ഇറാനും അവരുടെ മിസൈൽ പദ്ധതിയുമാണെന്ന് വാദിക്കുന്നവർക്ക് ബലം നൽകുന്നതാണ് പുതിയ സംഭവങ്ങൾ. അവരുടെ വാദങ്ങൾ മുൻപില്ലാത്ത വിധം ചർച്ചയാവും.
ഇനിയെങ്കിലും യുക്തിപരമായി ചിന്തിക്കാനും അക്രമം നിർത്താനും ഇറാൻ തയ്യാറാവണം. പശ്ചിമേഷ്യയിലെ അയൽ രാജ്യങ്ങളോട് സംസാരിക്കാനും സഹകരിക്കാനും തയ്യാറാക്കണം. ആക്രമണം തുടരും തോറും നയതന്ത്ര തലത്തിൽ ഇറാൻ കൂടുതൽ ഒറ്റപ്പെടുമെന്നും അദ്ദേഹം പറയുന്നു.
