ഐ ഫോൺ 15 സീരീസ് ഫോണുകളുടെ വിവരങ്ങൾ പുറത്ത് വിട്ടു. ഇത്തവണ 5 ഫോണുകളാണ് ആപ്പിൾ ഉപഭോക്താക്കൾക്കായി വിപണിയിലിറക്കുന്നത്. കഴിഞ്ഞ തവണ പുറത്തിറക്കിയ 14 സീരിസിൽ, ഐ ഫോൺ 14, ഐ ഫോൺ 14 പ്ലസ് , ഐ ഫോൺ 14 പ്രോ, ഐ ഫോൺ 14 പ്രോ മാക്സ് എന്നിങ്ങനെ 4 ഫോണുകളാണ് വിപണിയിലിറക്കിയിരുന്നത്.
എന്നാൽ സെപ്റ്റംബർ 12 ന് ഐ ഫോൺ 15 സീരീസ് ഇറങ്ങുമ്പോൾ 5 ഫോണുകൾ ഉണ്ടായിരിക്കും. ഐ ഫോൺ 15 , ഐ ഫോൺ 15 പ്ലസ്, ഐ ഫോൺ 15 പ്രോ, ഐ ഫോൺ 15 പ്രോ മാക്സ് എന്നിവയ്ക്ക് പുറമെ ഐ ഫോൺ 15 അൾട്രയും വിപണിയിലിറക്കും.
ഐ ഫോൺ 15 പ്രോ മാക്സിൽ 6 ജി ബി റാമും ഒരു ടി ബി സ്റ്റോറേജ് ഓപ്ഷനും ഉണ്ടായിരിക്കും. എന്നാൽ പുതുതായി അവതരിപ്പിക്കുന്ന അൾട്ര മോഡലിൽ 8 ജിബി വരെ റാമും 2 ടി ബി വരെ സ്റ്റോറേജിനുള്ള ഓപ്ഷനും ഉണ്ടായിരിക്കുമെന്നാണ് ലഭിക്കുന്ന വിവരങ്ങൾ. പ്രോ മാക്സിനെക്കാളും മികച്ച ക്യാമറ ഫീച്ചറുകളും അൾട്രയിൽ ഉണ്ടായിരിക്കും. മറ്റ് സംവിധാനങ്ങളൊക്കെ സമാനമായിരിക്കും.
ഐ ഫോൺ 15 പ്രോ മാക്സിന് ഏകദേശം 1299 ഡോളറാണ് വില.ഇന്ത്യയിൽ വില 159900 രൂപയായിരിക്കും. ലഭിക്കുന്ന വിവരങ്ങളനുസരിച്ച് പ്രോ മാക്സിനെക്കാൾ 800 രൂപ കൂടുതലായിരിക്കും അൾട്രയ്ക്ക്. ഐ ഫോൺ 14,14 പ്ലസ് എന്നിവയുടെ വില തന്നെയായിരിക്കും ഐ ഫോൺ 15 ,15 പ്ലസ് മോഡലുകൾക്കും എന്നാണ് പുറത്ത് വരുന്ന വിവരങ്ങൾ.
