കുഞ്ചാക്കോ ബോബൻ നായകനായ രതീഷ് ബാലകൃഷ്ണ പൊതുവാൾ ചിത്രം ‘ ന്നാ താൻ കേസ് കൊട് ‘ 50 കോടി ക്ലബ്ബിൽ ഇടം നേടി. റിലീസിന് മുൻപേ പ്രശസ്തി പിടിച്ചു പറ്റിയ ചിത്രമാണ് കുഞ്ചാക്കോ ബോബന്റെ ‘ ന്നാ താൻ കേസ് കൊട് ‘.
ചിത്രത്തിലെ റിപ്രൊഡ്യൂസ് ചെയ്തു പുറത്തിറങ്ങിയ ‘ ദേവദൂതർ പാടി ‘ എന്ന ഗാനവും ചാക്കോച്ചന്റെ വ്യത്യസ്തമായ ഡാൻസും പ്രേക്ഷകർ ഒന്നടങ്കം ഏറ്റെടുത്തിരുന്നു. 10 മില്യൺ യൂട്യൂബ് വ്യൂസും ഗാനം സ്വന്തമാക്കി. ചിത്രത്തിന്റെ പരസ്യവുമായി ബന്ധപ്പെട്ട പോസ്റ്റർ വാചകങ്ങളും വിവാദം സൃഷ്ഠിച്ചിരുന്നു. അതേസമയം അഞ്ചു ദിവസംകൊണ്ടായിരുന്നു ചിത്രം 25 കോടി ബോക്സ് ഓഫീസ് കളക്ഷൻ നേടിയിരുന്നത്.
ചിത്രം 50 കോടി ക്ലബ്ബിൽ ഇടം നേടിയ കാര്യം ചാക്കോച്ചൻ തന്നെയാണ് സമൂഹമാധ്യമങ്ങളിലൂടെ പങ്കു വച്ചത്. ഓഗസ്റ്റ് 11ന് കേരളത്തിലും ഓഗസ്റ്റ് 19 ന് വിദേശ രാജ്യങ്ങളിലുമായാണ് ചിത്രം റിലീസ് ചെയ്തത്.
