ഭാവനയും റഹ്മാനും മുഖ്യവേഷത്തിൽ എത്തുന്ന ഇൻവെസ്റ്റിഗേഷൻ ക്രൈം ത്രില്ലർ ചിത്രം അനോമിയിൽ അന്തരിച്ച വ്യവസായി സി. ജെ റോയിക്ക് പങ്കാളിത്തമില്ലെന്ന് നടി ഭാവന. എഡിറ്റോറിയിലിന് നൽകിയ അഭിമുഖത്തിലാണ് അവർ ഇക്കാര്യം വ്യക്തമാക്കിയത്.
ഭാവനയുടെ വാക്കുകൾ
ഞാനടക്കം ഒന്നിലേറെ നിർമ്മാതാക്കൾ സഹകരിക്കുന്ന ചിത്രമാണ് അനോമി. ഈ പ്രോജക്ട് ആരംഭിച്ച ശേഷമാണ് അദ്ദേഹം ഇതിലേക്ക് വന്നത്. റോയ് സാർ ഇതിൽ ഇൻവെസ്റ്റ് ചെയ്യുകയും ചെയ്തിരുന്നു. ഇതൊക്കെ കഴിഞ്ഞ വർഷം നടന്ന കാര്യങ്ങളാണ്.
പിന്നീട് ആണ് പനോരമ ടീ സീരീസ് ഈ പ്രൊജക്ടിൽ താത്പര്യം കാണിക്കുന്നത്. മേജർ ഷെയർ വാങ്ങാൻ അവർ തയ്യാറായിരുന്നു. അത് ഡീൽ റോയി സാറിനും ഒക്കെ ആയപ്പോൾ അവർ 3-4 മാസം മുൻപ് അങ്ങനെ അദ്ദേഹത്തെ സെറ്റിൽ ചെയ്തു.
സി.ജെ റോയ് അവസാനമായി നിർമ്മിച്ച ചിത്രമാണ് അനോമി എന്ന നിലയിൽ നേരത്തെ മുതൽ വാർത്തകൾ വന്നിരുന്നു. ഈ സാഹചര്യത്തിലാണ് സിനിമയുടെ നിർമ്മാണ പങ്കാളി കൂടിയായ ഭാവനയുടെ പ്രതികരണം.
ഭാവനയുമായുള്ള അഭിമുഖത്തിൻ്റെ പൂർണരൂപം കാണാൻ ഇവിടെ ക്ലിക്ക് ചെയ്യുക
’‘എന്തു കേട്ടാലും, എന്തു സംഭവിച്ചാലും ബാധിക്കപ്പെട്ടാത്ത ആളല്ല ഞാൻ’
