രജനികാന്ത് ‘സംഘി’ അല്ലെന്ന പരാമര്‍ശം സിനിമയുടെ മാര്‍ക്കറ്റിങ് തന്ത്രമാണെന്ന വിമര്‍ശനങ്ങളോട് പ്രതികരിച്ച് മകളും സംവിധായികയുമായ ഐശ്വര്യ രജനികാന്ത്. ‘ലാല്‍ സലാം’ സിനിമയുടെ പ്രമോഷനുമായി ബന്ധപ്പെട്ടുള്ള പരിപാടിയിലാണ് ഐശ്വര്യ പ്രതികരിച്ചത്.
സ്വന്തം അഭിപ്രായം പ്രകടിപ്പിക്കാന്‍ ധൈര്യം നല്‍കിയാണ് അച്ഛന്‍ ഞങ്ങളെ വളര്‍ത്തിയത്. തന്ത്രം പ്രയോഗിച്ചോ സിനിമയില്‍ രാഷ്ട്രീയം പറഞ്ഞോ വിശ്വാസമില്ലാത്ത കാര്യം അഭിനയിച്ചോ സൂപ്പര്‍ സ്റ്റാറിന്റെ ചിത്രം പ്രചരിപ്പിക്കേണ്ട ആവശ്യമില്ല. – ഐശ്വര്യ രജനികാന്ത്
ഒരു രാഷ്ട്രീയവും സംസാരിക്കാത്ത ജയിലര്‍ ഹിറ്റായ കാര്യവും ഐശ്വര്യ പറഞ്ഞു. ലാല്‍സലാം സിനിമയുടെ ഓഡിയോ ലോഞ്ചിലായിരുന്നു രജനികാന്ത് സംഘി അല്ലെന്ന് മകള്‍ ഐശ്വര്യ പറഞ്ഞത്. സംഘിയെന്നുള്ള വിളി തന്നെ ഏറെ വേദനിപ്പിച്ചുവെന്നും അവര്‍ പറഞ്ഞിരുന്നു. സംഘി അല്ലാത്തത് കൊണ്ടാണ് ലാല്‍സലാമില്‍ രജനികാന്ത് അഭിനയിച്ചതെന്ന് ഐശ്വര്യ പറഞ്ഞത് വിവാദമായിരുന്നു.
