ദില്ലി: എയർ ഇന്ത്യയും എയർ ഇന്ത്യ എക്‌സ്പ്രസും തമ്മിലുള്ള ലയനനടപടികളുടെ തുടർച്ചയായി ഡൽഹിയിൽ നിന്നും മുംബൈയിൽ നിന്നും ദുബായിലേക്ക് അധിക വിമാന സർവ്വീസുകൾ പ്രഖ്യാപിച്ച് എയർ ഇന്ത്യ. നിലവിലെ വേനൽക്കാല ഷെഡ്യൂളിൽ, 2023 ഏപ്രിൽ 29-ന് ആരംഭിക്കുന്ന പുതിയ വിമാനം ഉൾപ്പെടെ ഡൽഹിക്കും ദുബായ്‌ക്കുമിടയിൽ (ഇരു ദിശകളിലേക്കും) പ്രതിദിനം 10 സർവ്വീസുകൾ വരെ അധികം നടക്കുന്ന രീതിയിലാണ് മാറ്റം.
ദില്ലി- ദുബൈ റൂട്ടിൽ അഞ്ച് സർവ്വീസുകളും ദുബൈ – ദില്ലി റൂട്ടിൽ അഞ്ച് സർവ്വീസുകളുമാണ് വേനൽക്കാല ഷെഡ്യൂളിൽ ഉൾപ്പെടുത്തിയത്. മൂന്ന് ബോയിംഗ് 787, വിമാനങ്ങളും രണ്ട് എയർബസ് എ320 വിമാനങ്ങളുമാണ് സർവ്വീസിന് ഉപയോഗിക്കുന്നത്.
മുംബൈ – ദുബൈ റൂട്ടിലും ദുബൈ – മുംബൈ റൂട്ടിലുമായി ദിവസവും ആറ് സർവ്വീസുകളാണ് ഇനിയുണ്ടാവുക. രണ്ട് ബോയിംഗ് 787 വിമാനങ്ങളും ഒരു എ320 എയർബസ് വിമാനവും ആവും ഈ റൂട്ടിൽ സർവ്വീസ് നടത്തുക
