തിരുവനന്തപുരം: സംസ്ഥാന സർക്കാർ സംഘടിപ്പിച്ച ഫിലിം കോൺക്ലേവ് സമാപന ചടങ്ങിൽ സംവിധായകൻ അടൂർ ഗോപാലകൃഷ്ണൻ പട്ടികജാതി വിഭാഗത്തിനും സ്ത്രീകള്ക്കുമെതിരെ അധിക്ഷേപ പരാമര്ശങ്ങൾ നടത്തിയതായി ആരോപണം . പട്ടികജാതി വിഭാഗത്തില് നിന്ന് സിനിമയെടുക്കാന് വരുന്നവര്ക്ക് പരിശീലനം നല്കണമെന്നും ചലച്ചിത്ര കോര്പ്പറേഷന് വെറുതെ പണം നല്കരുതെന്നും ഒന്നര കോടി നല്കിയത് വളരെ കൂടുതലാണെന്നും അടൂര് ഗോപാലകൃഷ്ണന് പറഞ്ഞു. സ്ത്രീകളായത് കൊണ്ട് മാത്രം അവസരം കൊടുക്കരുതെന്നും അദ്ദേഹം കൂട്ടിച്ചേര്ത്തു. സ്ത്രീപക്ഷ സിനിമലോകാം സാധ്യമാകാൻ ലക്ഷ്യമിട്ട ചലച്ചിത്ര കോൺക്ലേവിലാണ് അടൂര് ഗോപാലകൃഷ്ണന്റെ അധിക്ഷേപ പരാമര്ശം.
കെ.ആർ നാരായണൻ ഫിലിം ഇൻസ്റ്റിറ്റ്യൂട്ടിൽ നടന്നത് വൃത്തികെട്ട സമരമാണെന്നും അച്ചടക്കം കൊണ്ടുവരാൻ ശ്രമിച്ചതിനാണ് സമരം നടന്നതെന്നും അടൂർ കുറ്റപ്പെടുത്തി. ഇന്ത്യയിലെ ഒന്നാം നമ്പർ സ്ഥാപനമായി മാറുന്നതിനിടെയായിരുന്നു സമരം. തങ്ങൾ ചുമതലയേൽക്കുന്നത് ഇൻസ്റ്റിറ്റ്യൂട്ട് നശിച്ചുകിടന്ന സമയത്താണ്. ആ സ്ഥാപനത്തെ ഇപ്പോൾ ഒന്നും അല്ലാതാക്കി. ടെലിവിഷൻ മേഖല നശിച്ച അവസ്ഥയിലാണ്. കൊള്ളാവുന്ന ഒരു പരിപാടി പോലുമില്ലെന്നും അടൂർ ഗോപാലകൃഷ്ണൻ വിമർശിച്ചു. ചാലയിലെ ജനങ്ങളേയും ഐഎഫ്എഫ്കെയ്ക്ക് എത്തുന്നവരെയും അടൂര് അധിക്ഷേപിച്ചു. സെക്സ് സീന് കാണാന് വേണ്ടി മാത്രം ആളുകൾ തീയേറ്ററുകളിൽ ഇടിച്ചു കേറുന്നുവെന്നും അടൂർ പറഞ്ഞു.
അടൂരിൻ്റെ പ്രസംഗത്തിനെതിരെ കടുത്ത വിമർശനങ്ങളാണ് വേദിയിലും സദ്ദസിലും ഉണ്ടായത്. ഡോ.ബിദു അടക്കം സദസ്സിലുള്ളവരെ ചൂണ്ടിക്കാട്ടി പലരും അടൂരിന് മറുപടി നകി. ഗായിക പുഷ്പലതയും സംവിധായകൻ ശ്രീകുമാരൻ തമ്പിയും അടൂരിന് വിമർശിച്ചു സംസാരിച്ചു.
